Shruti Vilas Kadam
१ कप फ्लॉवरचे तुकडे, १ गाजर, अर्धी शिमला मिरची, अर्धा कप मटार, १ बटाटा, २ कांदे, २ टोमॅटो, १ चमचा आले-लसूण पेस्ट, अर्धा चमचा हळद, १ चमचा लाल तिखट, १ चमचा गरम मसाला, १ चमचा धणे-जिरे पूड चवीनुसार मीठ तेल आणि कोथिंबीर
सर्वप्रथम गाजर, फ्लॉवर, शिमला मिरची आणि बटाटा स्वच्छ धुवा. त्यानंतर सर्व भाज्यांचे मध्यम आकाराचे तुकडे करून घ्या
एका पातेल्यात पाणी गरम करून त्यात फ्लॉवर, गाजर, बटाटा आणि मटार घाला. भाज्या थोड्या मऊ होईपर्यंत शिजवून घ्या. त्या पूर्णपणे गाळून बाजूला ठेवा.
कांदा आणि टोमॅटोचे तुकडे करून घ्या. मिक्सरमध्ये त्यांची बारीक पेस्ट तयार करा. यामुळे भाजीला छान ग्रेव्ही तयार होईल.
कढईत तेल गरम करून त्यात कांद्याची पेस्ट घाला. ती थोडी परतल्यानंतर आले-लसूण पेस्ट आणि टोमॅटोची पेस्ट घाला. त्यानंतर हळद, तिखट, गरम मसाला आणि धणे-जिरे पूड घालून मसाला छान परतून घ्या.
आता तयार मसाल्यामध्ये शिजवलेल्या भाज्या आणि शिमला मिरची घाला. सर्व भाज्या मसाल्यामध्ये व्यवस्थित मिक्स करा.
भाजीमध्ये थोडे पाणी आणि चवीनुसार मीठ घाला. कढईवर झाकण ठेवून ५ ते ७ मिनिटे मंद आचेवर शिजू द्या. त्यामुळे मसाला भाज्यांमध्ये छान मुरेल.
भाजी शिजल्यानंतर त्यावर बारीक चिरलेली कोथिंबीर घाला. गरमागरम मिक्स व्हेज भाजी पोळी, पराठा किंवा जीराभातासोबत सर्व्ह करा.