Sunetra Pawar News: राज्यसभेच्या खासदार झाल्यानंतर सुनेत्रा पवार आज प्रथमच बारामतीत दाखल झाल्या आहेत. सुनेत्रा पवार यांच्या भेटीसाठी कार्यकर्त्यांनी मोठी गर्दी केलीये. सुनेत्रा पवार राज्यसभेच्या खासदार झाल्यानंतर प्रथमच बारामतीत आल्याने, बारामतीसह पुणे जिल्ह्याच्या विविध भागातून कार्यकर्ते आणि पदाधिकारी त्यांना शुभेच्छा देण्यासाठी दाखल होत आहेत. भेटीसाठी कार्यकर्त्यांनी मोठी गर्दी केलेली पहायला मिळतेय. सुनेत्रा पवार यांनी लोकसभेची निवडणूक लढवली होती. सुप्रिया सुळे यांच्या विरोधात त्या बारामती लोकसभा मतदारसंघातून उभ्या देखील होत्या. पण बारामती लोकसभा मतदारसंघात सुप्रिया सुळेंनी सुनेत्रा पवारांचा पराभव केला आणि त्या जिंकल्या. पण आता सुनेत्रा पवार या राज्यसभेवर खासदार होणारेत आणि हा निर्णय झाल्यानंतर त्या पहिल्यांदाच बारामतीत गेल्यात.