ठाकरे गटाकडून मुंबईमधील मोकळी मैदाने वाचवूया हे आंदोलन सुरू करण्यात आले आहे. वांद्रे येथील नेव्हिल डिसूझा फुटबॉल मैदणाचे आरक्षण बदलू नये यासाठी युवासेना प्रमुख आमदार आदित्य ठाकरे यांच्या उपस्थितीत आंदोलन करण्यात आले. मुख्यमंत्री देवेंद्र फडणवीस यांनी Gen Z ना स्क्रीनपेक्षा मैदानावर असावे असे म्हटले पण तुम्ही मैदाने ठेवताय कुठे असा सवाल आदित्य ठाकरे यांनी केला. मुंबईची मैदाने आणि मुंबई वाचवण्यासाठी सर्वांनी मतभेद विसरत तिरंगा हाती घेत एकत्र यावे असे आवाहन आदित्य ठाकरे यांनी केले. तसेच मुंबईतील मोकळी मैदाने भाजप ढापायला निघाले आहे असा जोरदार हल्लाबोल आदित्य ठाकरे यांनी भाजपवर केला.