मुंबईत येत्या २ ऑक्टोबरला ‘जेल भरो’ आंदोलन करण्याची घोषणा CJPचे प्रमुख अभिजीत दिपके यांनी केली आहे. मुख्य निवडणूक आयुक्त ज्ञानेश कुमार यांच्या कारभाराच्या विरोधात हे आंदोलन करण्यात येणार असल्याची माहिती दिपके यांनी दिली आहे. मुंबईतील CJPच्या प्रस्तावित आंदोलनाला पोलिसांकडून अद्याप परवानगी देण्यात आलेली नाही. मात्र, पोलिसांची परवानगी नसतानाही २ ऑक्टोबरला जेल भरो आंदोलन करण्याची तयारी CJPने केली आहे. निवडणूक आयोगाच्या कामकाजावर आणि मुख्य निवडणूक आयुक्त ज्ञानेश कुमार यांच्या भूमिकेवर CJPकडून आक्षेप नोंदवण्यात आले आहेत. याच पार्श्वभूमीवर मुंबईत आंदोलनाचा इशारा देण्यात आला आहे. २ ऑक्टोबरला मुंबईत होणाऱ्या या आंदोलनाला पोलिस परवानगी देतात का आणि परवानगी नसतानाही CJPचे कार्यकर्ते आंदोलन करतात का, याकडे आता लक्ष लागलं आहे.