शिर्डी : देशात मोदींची गॅरेंटी नाही चालत, ठाकरेंची गॅरेंटी चालते असा घणाघात आदित्य ठाकरे यांनी केला आहे. तसेच आता जो कुणी खरं बोलतो त्याला तुरुंगात डांबलं जातं, आता जुमल्याचंच नाव गॅरेंटी झालं आहे. आता भाजपला मतदान केलं तर ते तुमच्या घरात येतील आणि काय खायचं काय कपडे घालायचे हे सांगतील असेही ठाकरे म्हणाले. गेल्या दहा वर्षात शेतकऱ्यांसाठी काय केलं असा सवाल ठाकरे यांनी विचारला. तसेच दहा वर्षानंतरही विरोधी पक्षातले नेते मटण मासे खातात असा प्रचार करण्याची वेळ आली असेही ठाकरे म्हणाले.