रायगड जिल्ह्यातील खोपोली येथे टँकरने अपघातानंतर पेट घेतला आहे. टँकरमधील ज्वालाग्रही रसायन पेटत सर्वत्र पसरल्याने परिसरात देखील यामुळे आग लागली. खोपोली शिळफाटा येथे ही घटना घडली.

रायगडमधल्या खोपोली येथे आज एका टँकरचा अपघात झाला. त्यानंतर या अपघातग्रस्त टँकरने पेट घेतला. या आगीत पार्किंग केलेली एक कार जळून खाक झाली आहे. पेटत्या टँकरमधून वाहणार रसायन पेटत पसरत असल्याने परिसरात घबराटीचं वातावरण आहे. या घटनेची माहिती मिळताच बचाव पथक, अग्नीशमन दल घटना स्थळी दाखल झालं असून आगीवर नियंत्रण मिळवण्याचा प्रयत्न सुरू आहे. फोमचा वापर करून आगीवर नियंत्रण मिळवण्याचे प्रयत्न सुरू आहेत.