राज्यात बिबट्यांचे हल्ले थांबायचे नाव घेत नाहीये. मागच्या काही महिन्यांपासून संपूर्ण राज्यात तर जुन्नर तालुक्यात गल्लोगल्ली बिबटे फिरत आहे. मात्र प्रशासन कुठलेही ठोस पाऊले उचलताना दिसत नाहीये. अशातच आज जुन्नरमधील पारगाव परिसरात बिबट्याच्या हल्ल्यात एका ८ वर्षीय मुलाचा मृत्यू झाल्याची धक्कादायक घटना समोर आली आहे. शेतात काम करत असताना दबा धरून बसलेल्या बिबट्याने अचानक हल्ला केल्याने ही दुर्घटना घडली. या घटनेमुळे परिसरात भीतीचे वातावरण पसरले असून, बिबट्याचा तातडीने बंदोबस्त करण्याची मागणी स्थानिकांनी केली आहे. गेल्या काही महिन्यांपासून या भागात बिबट्याची दहशत वाढली असून, शिरूर आणि जुन्नर रस्त्यावर वारंवार हल्ले होत असल्याचे समोर आले आहे.