भंडारा जिल्ह्यातील जांभोरा गावात साखरपुड्याच्या जेवणातून विषबाधा झालेली आहे. साखरपुड्यात गेलेल्या 52 लोकांना जेवणातून विषबाधा झाल्याने एकच खळबळ उडाली आहे.

भंडारा येथील जांभोरा गावात एका साखरपुड्यात जेवण केल्यावर गावकऱ्यांना विषबाधा झाल्याने गोंधळ उडाला आहे. 52 रुग्णांवर प्राथमिक आरोग्य केंद्रात कॅम्प लाऊन उपचार सुरू आहेत. त्यातील 41 रुग्णांची प्रकृती चिंताजनक असल्याने त्यांना पुढील उपचारासाठी भंडाऱ्याच्या जिल्हा रुग्णालयात दाखल करण्यात आले आहे. गावात असलेल्या साखरपुड्यात जेवण केल्यानंतर घरी आल्यावर या 52 गावकऱ्यांना अचानक उलट्या आणि जुलाबाचा त्रास सुरू झाला आहे. त्यामुळे त्यांनी प्राथमिक आरोग्य केंद्रात धाव घेतल्यानंतर हा सर्व प्रकार उघड झाला आहे.