सोलापुरात 3 उमेदावारांनी तलवार म्यान केली. म्हणून आता सोलापूर लोकसभेतून आता थेट राम सातपुते आणि प्रणिती शिंदे यांच्यात लढत होणार असल्याचं स्पष्ट झालंय. वंचितचे उमेदवार राहुल गायकवाड, मराठा क्रांती मोर्चाचे राज्य समन्वयक रामभाऊ गायकवाड आणि सोलापुरात गोल्डन नगसेविका म्हणून ओळख असलेल्या श्रीदेवी फुलारे यांनी माघार घेतली. त्यामुळे आता सोलापुरात थेट कॉंग्रेस विरुद्ध भाजप असा थेट सामना रंगणार आहे. प्रणिती शिंदे आणि राम सातपुते यांची लढत आता अजून हायव्हॉल्टेज होण्याची शक्यता वर्तवण्यात येतेय.