राज्यातील २५५ मराठी शाळा बंद झाल्या आहेत. कोकण, विदर्भ, पश्चिम महाराष्ट्र, मराठवाडा आणि उत्तर महाराष्ट्र या भागांतील २५५ मराठी शाळा बंद करण्यात आल्या आहेत. आपल्या पाल्याला इंग्रजी माध्यमातील शाळांमध्ये प्रवेश देण्याकडे अनेक पालकांचा कल आहे. त्यामुळे या मराठी शाळा बंद होत असल्याची माहिती राज्य सरकारने लेखी प्रश्नोत्तरात दिली आहे. तर शाळांमध्ये विद्यार्थी संख्या कशी वाढेल आणि शाळा बंद पडणार नाही यासाठी विशेष उपाययोजनांची अंमलबजावणी शासनाकडून करण्यात येत असल्याचंही सरकारकडून सांगण्यात आलं.