कोल्हापूर: मध्यरात्रीपासून कोल्हापुरात रिक्षा चालकांनी सोळा तासांचे रिक्षा बंद आंदोलन पुकारले आहे. कोल्हापूर शहर आणि परिसरातल्या सर्व रिक्षा चालकांकडून बंद ठेवण्यात आला आहे. महाराष्ट्र परिवहन विभागाकडून वाहन पासिंग मध्ये प्रतिदिन 50 रुपयांचा दंड आकारला जातो. केंद्र शासनाच्या या अधिसूचनेच्या विरोधात कोल्हापुरात आज सायंकाळी पाच वाजेपर्यंत रिक्षा बंद आंदोलन पुकारण्यात आले आहे. या आंदोलनात कोल्हापुरातील तब्बल 16000 रिक्षा चालक सहभागी होणार आहेत. कोल्हापूर शहर आणि जिल्ह्यातील सर्व रिक्षा बंद असल्यामुळे कोल्हापूर शहरात कामानिमित्त येणाऱ्या प्रवाशांचे मात्र हाल होत आहेत त्यांना पर्याय म्हणून कोल्हापूर महानगरपालिकेच्या वतीने चालवण्यात येणाऱ्या के एम टी बस चा आधार घ्यावा लागत आहे.