विधानपरिषदेच्या निवडणुका तोंडावर आल्या आहेत. यासंदर्भात भाजपच्या गोठातून मोठी बातमी समोर येत आहे. भाजपकडून १० उमेदवारांची नावं विधानपरिषदेसाठी हायकंमांडला पाठवण्यात आली आहेत. भाजप प्रदेशाध्यक्ष चंद्रशेखर बावनकुळे यांच्या कडून विधानपरिषद साठी 10 नावे केंद्राकडे पाठवण्यात आल्याची माहिती समोर येत आहे. यावर आज किंवा उद्या निर्णय होण्याची शक्यता वर्तवली जात आहे. यादरम्यान १० पैकी भाजप कडून पाच उमेदवार दिले जाऊ शकतात, विधानसभा डोळ्यासमोर ठेवून जातीचे समीकरण करण्याचा भाजपचा प्रयत्न असण्याची शक्यता व्यक्त केली जात आहे. याउमेदवारांमध्ये पंकजा मुंडे, अमित गोरखे, परिणय फुके, सुधाकर कोहळे, योगेश टिळेकर, निलय नाईक, हर्षवर्धन पाटील, रावसाहेब दानवे, चित्रा वाघ, माधवीताई नाईक यांचा समावेश आहे.