पंजाब: इंस्टाग्राम लाईव्हवर सहकारी खेळाडूंशी संभाषणादरम्यान जातीयवादी शब्द वापरणाऱ्या भारतीय क्रिकेटपटू युवराज सिंगवर न्यायालयाने कडकपणा दाखवला आहे. हंसीमध्ये युवराजवर गुन्हा दाखल झाल्यानंतर युवराज सिंगची विचारपुस करण्यासाठी पोलिसांनी त्याला बोलवले होते. पोलिसांनी त्याला अटक दाखवून अधीक तपास केला आहे. युवराज सिंगने या प्रकरणात आधीच उच्च न्यायालयाकडून अटकपूर्व जामीन घेतला आहे. कोर्टाने युवराज सिंगला हांसीमध्ये दाखल झालेल्या प्रकरणाच्या तपासासाठी पोलिसांना सहकार्य करण्याचे आदेश दिले होते. यासाठी पंजाब आणि हरियाणा उच्च न्यायालयाच्या आदेशाने युवराज हिसारमधील जिओ मेसमध्ये पोहोचला होता. तो त्याच्या चार-पाच सुरक्षा कर्मचाऱ्यांसोबत चंदीगडहून हिसारला पोहोचला.

युवराज सिंगने स्वतः उच्च न्यायालयामध्ये अनुसूचित जातींवर टिप्पणी केल्याची गोष्ट स्वीकारली होती, परंतु हा शब्द बोलणे चुकीचे आहे याची त्याला जाणीव नसल्याचे सांगितले. कोणाच्या भावना दुखावण्यासाठी हे बोललो नाही. चौकशीनंतर युवराज सिंगची उच्च न्यायालयाच्या आदेशानुसार औपचारिक जामिनावर सुटका करण्यात आली आहे. आता हे प्रकरण न्यायालयात प्रलंबित आहे.

हे आहे प्रकरण

हंसीचे वकील रजत कलसन यांनी न्यायालयात याचिका दाखल केली होती की युवराज सिंगने आपल्या सहकाऱ्यांसह इंस्टाग्राम लाईव्हवर एससी समुदायावर टिप्पणी केली होती. यानंतर युवराज सिंगवर कलम 153A अंतर्गत गुन्हा दाखल करण्यात आला होता. युवराज सिंगने हा खटला निकाली काढण्यासाठी उच्च न्यायालयात याचिका दाखल केली होती, त्यावर उच्च न्यायालयाने युवराजला अटकपूर्व जामिनाचे आदेश दिले होते. याआधी युवराज सिंगचे वकील पुनीत बाली यांनी न्यायालयात म्हटले होते की, हे संभाषण मित्रांमध्ये झाले. कोणत्याही समाजाच्या भावना दुखावण्याचा हेतू नव्हता.

Edited By: Pravin Dhamale