D Gukesh Prize Money: गेल्या काही दिवसांपासून युवा बुद्धिबळपटू डी गुकेश तुफान चर्चेत आहे. चर्चेत असण्यामागचं कारण म्हणजे, या १८ वर्षीय खेळाडूने सर्वात युवा वर्ल्ड चॅम्पियन होण्याचा मान पटकावला आहे. संपूर्ण जगभरातून या युवा खेळाडूवर कौतुकाचा वर्षाव केला जातोय. आता त्याच्या विजयानंतर त्याच्या प्राईज मनीबाबत मोठी अपडेट समोर येत आहे. (D Gukesh News In Marathi)

गुरुवारी झालेल्या फायनलमध्ये डी गुकेशने चीनच्या डिंग लिरेनचा पराभव केला. डिंग हा गतवर्षीचा वर्ल्ड चॅम्पियन खेळाडू आहे.

मात्र त्याचा फायनलमध्ये पराभव करत गुकेशने वर्ल्ड चॅम्पियनचा खिताब पटकावला. मात्र मिळालेल्या माहितीनुसार, त्याला प्राईज मनी म्हणून मिळालेल्या रकमेतून केवळ अर्धी रक्कम मिळणार आहे. कारण त्याच्या प्राईज मनी मधून ४२.५ टक्के टॅक्स वसूल केला जाणार आहे.

वर्ल्ड चॅम्पिनयशिपचा खिताब पटकावणाऱ्या डी गुकेशला प्राईज मनी म्हणून १३ लाख डॉलर्स म्हणजे, ११.०३ कोटी रुपये मिळाले होते. मात्र आता त्याच्या प्राईज मनीमधून ४.६७ कोटी रुपये टॅक्स स्वरुपात कापले जाणार आहेत. (D Gukesh Chess Championship Prize Money)

जर एखाद्या खेळाडूला सरकारकडून किंवा खेळ महासंघाकडून जर प्राईज मनी मिळालं असेल, तर त्यावर टॅक्स द्यावा लागत नाही. मात्र एखादा खेळाडू जर एखादी स्पर्धा जिंकून आला असेल, तर त्याला नियमानुसार टॅक्स द्यावा लागतो. डी गुकेश हा अवघ्या १८ वर्षांचा आहे. आता आपल्या खेळाच्या बळावर तो वयाच्या १८ व्या वर्षीच करोडपती झाला आहे.