'कॅप्टन कूल' कर्णधार महेंद्रसिंग धोनीच्या नेतृत्वाखाली चेन्नई सुपर किंग्ज (CSK) ने काल (ता. 15) शुक्रवारी रात्री चौथ्यांदा आयपीएलचे विजेतेपद पटकावले. CSK ने कोलकाता नाईट रायडर्सचा (KKR) 27 धावांनी पराभव केला. 2010, 2011 आणि 2018 मध्ये चेन्नईचा संघ आयपीएल विजेताही होता. दुबई आंतरराष्ट्रीय स्टेडियमवर Dubai International Stadium खेळल्या गेलेल्या या सामन्यात चेन्नईने नाणेफेक गमावली. त्यांनतर प्रथम फलंदाजी करत तीन गडी बाद 192 धावांची मजबूत धावसंख्या उभारली. नंतर त्यांच्या गोलंदाजांच्या उत्कृष्ट कामगिरीमुळे कोलकाताला 9 बाद 165 पर्यंत रोखले. चेन्नईच्या या विजेतेपदानंतर स्टेडियममध्ये उपस्थित असलेल्या कर्णधार धोनीची पत्नी साक्षी धोनीने अगदी उत्साहाने आनंद व्यक्त केला. चेन्नईची टीम जिंकताच तिच्या आजूबाजूच्या खास लोकांना मिठी मारून साक्षीने अभिनंदन केले.

जेव्हा साक्षी विजयाच्या जल्लोषात होती, तेव्हा ती गर्भवती होती असे वाटत होते. त्यामुळे लवकरच माहीच्या घरी आणखी एक नवीन पाहुणे येणार आहे असे दिसून येत आहे. साक्षी प्रेग्नन्ट असलेल्या बातम्या सोशल मीडियावर व्हायरल होत आहेत. सोशल मीडियावर प्रसिद्ध झालेल्या बातमीत असे म्हटले जात आहे की, धोनीची पत्नी साक्षी गर्भवती आहे आणि लवकरच त्यांच्या घरी एक छोटा पाहुणा येणार आहे. वृत्तानुसार, धोनीचा CSK टीममेट सुरेश रैनाची पत्नी प्रियंका रैना हिने साक्षीच्या गर्भधारणेविषयी माहिती दिली आहे. साक्षी चार महिन्यांची गर्भवती असल्याचे सांगितले जात आहे.