प्रत्येक गोलंदाजाची गोलंदाजी अॅक्शन ही हटके असते. आतंरराष्ट्रीय स्तरावर गेल्यानंतर गोलंदाज आपल्या अॅक्शनमुळे ओळखला जातो. काही गोलंदाजांची अॅक्शन इतकी हटके असते की, फलंदाज कन्फ्युज होऊन जातात. ज्यात लसिथ मलिंगा, मुथय्या मुरलीधरन, पॉल अॅडम्स आणि सोहेल तनविरसारख्या गोलंदाजांचा समावेश आहे. आम्ही या गोलंदाजांचा उल्लेख करतोय, सोशल मीडियावर आगळ्या वेगळ्या स्टाइलने गोलंदाजी करणाऱ्या गोलंदाजाचा व्हिडिओ जोरदार व्हायरल होतोय.

व्हायरल होत असलेल्या व्हिडिओमध्ये तुम्ही पाहू शकता,की गोलंदाज हटके स्टाइलने गोलंदाजी करताना दिसतोय. गोलंदाजाची अॅक्शन जितकी सोपी तितकी चांगली असं म्हणतात. कारण दुखापतग्रस्त होण्याची शक्यता कमी होऊन जाते. मात्र अॅक्शन किचकट असेल, तर गोलंदाज दुखापतग्रस्त होण्याची शक्यता वाढते.

उजव्या हाताचा गोलंदाज जेव्हा गोलंदाजी करतो त्यावेळी त्याचा उजवा पाय पुढे जात असतो. मात्र या गोलंदाजाचा डावा पाय समोर जातोय. ही आगळी वेगळी अॅक्शन पाहून नेटकरीही चक्रावून गेले आहेत. या व्हिडिओवर नेटकरी मजेशीर प्रतिक्रिया देताना दिसून येत आहेत.

हा व्हिडिओ sehellupnduwa या इंस्टाग्राम अकाऊंटवरुन शेअर करण्यात आला आहे. या व्हिडिओवर ३० हजाराहून अधिक लाईक्स आले आहेत. एका युजरने या व्हिडिओवर प्रतिक्रिया देत फादर ऑफ सोहेल तनविर असं लिहिलं आहे.