Paris Olympics 2024, vinesh phogat : विनेश फोगाटनं पॅरिस ऑलिम्पिकमध्ये (Paris Olympics) भारताची मान अभिमानाने उंचावली आहे. विनेश फोगाटने गतविजेत्या पैलावानाला चारी मुंड्या चीत करत विजयी सुरुवात केली. भारतीय पैलवान विनेश फोगाट (Vinsesh Phogat Match) हिने गतविजेत्या युवी सुसाकी हिचा पराभव करत मोठा उलटफेर केला. अखेरच्या मिनिटात विनेश फोगाटने जोरदार मुसंडी मारत सामना विजय मिळवला. अखेरच्या मिनिटांपर्यंत युवी सुसाकी ही 0-2 आघाडीवर होती. पण शेवटच्या मिनिटात विनेश फोगाटनं डाव टाकत विजयावर शिक्कामोर्तब केले. युवी सुसाकी (world no 1 Yui Susaki) हिचा पराभव करत विनेश फोगाटने क्वार्टर फायनलमध्ये स्थान पटकावलेय.

पॅरिस ऑलिम्पिकमध्ये ५० किलो वर्ग फ्री स्टाईल कुस्ती प्रकारात कठीण सामना मिळाला होता. पहिलाच सामना गतविजेत्या आणि नंबर एक कुस्तीपटू युवी सुसाकी हिच्यासोबत होता. विनेश फोगाटसाठी हा सामना कठीण मानला जात होता. पण अखेरच्या क्षणात युवी सुसाकी हिचा पराभव करत विनेश फोगाटने भारताची मान उंचावली. विनेश फोगाटने युवी सुसाकी हिचा ३-२ असा पराभव केला. विनेश फोगाटने अखेरच्या मिनिटात जोरदार मुसंडी मारत विजय मिळवला. अखेरच्या मिनिटांपर्यंत युवी सुसाकी ही 0-2 आघाडीवर होती. पण शेवटच्या मिनिटात विनेश फोगाटनं जोरदार डाव टाकत विजयावर शिक्कामोर्तब केले. विनेश फोगाट पॅरिस ऑलिम्पिकच्या क्वार्टर फायनलमध्ये दाखल झाली आहे.

निरज चोप्राची फायनलमध्ये धडक -

पॅरिस ऑलिम्पिक २०२४ स्पर्धेतील ११ व्या दिवशी भारतीय फॅन्ससाठी गुड न्यूज समोर आली आहे. भारताचा गोल्डन बॉय नीरज चोप्राने पात्रता फेरीत ८९.३४ मीटर भाला फेकत फायनलमध्ये प्रवेश केला आहे. निरज चोप्रा आणि विनेश फोगाट यांच्याकडून भारताला पदकाची आपेक्षा आहे.