टी२० वर्ल्डकपच्या अंतिम सामन्यात टीम इंडिया आणि न्यूझीलंड संघ एकमेकांशी भिडणार आहेत. दोन्ही संघाने जोरदार तयारी केली आहे. या सामन्यासाठी टीम इंडियाकडून कोणाला संधी मिळणार, याकडे साऱ्यांचं लक्ष लागलं आहे. टी २० वर्ल्डकप फायनलआधीच एक मोठी अपडेट सूत्रांकडून आली आहे. या सामन्यात वरुण चक्रवर्ती खेळणार नसल्याची जोरदार चर्चा सुरू आहे.

वरुण चक्रवर्तीने सुपर-८ स्टेजनंतर फक्त ४ विकेट घेतले आहेत. मुंबईच्या वानखेडे स्टेडियममध्ये वरुण चक्रवर्तीने इंग्लंडच्या विरोधातील टी२० वर्ल्डकप सेमीफायनलमध्ये खराब कामगिरी केल्याचे दिसून आलं. त्याने ६४ धावा देऊन १ गडी बाद केला होता.

टी२० वर्ल्डकपच्या सुपर-८ स्टेज सुरू झाल्यानंतर त्याने खराब कामगिरी केल्याचे दिसून आलं. त्याने एकही सामन्यात करिष्मा दाखवला नाही. अहमदाबादच्या नरेंद्र मोदी स्टेडियममध्ये होणाऱ्या फायनलच्या सामन्यात टीम इंडियाच्या प्लेइंग ११ मध्ये संधी द्यायची का, यावर विचार सुरू असल्याचे बोलले जात आहे.

सूर्यकुमार यादवला अंतिम सामन्याच्या एक दिवसआधी नरेंद्र मोदी स्टेडियममध्ये प्रश्न विचारण्यात आला होता. टीम इंडियाचा कर्णधार सूर्यकुमार यादवने म्हटलं की, 'मॅनेजमेंट चक्रवर्तीच्या कामगिरीविषयी चिंतेत नाहीत. परंतु त्यांना आताही वाटतं की, वरुण संघाचा चांगला स्पिनर आहे, तो फायनलमध्ये चांगली कामगिरी करू शकतो'.