Trent Boult Catch Viral Video:

न्यूझीलंड संघाचा वेगवान गोलंदाज ट्रेंट बोल्ट सर्वोत्तम क्षेत्ररक्षकांपैकी एक आहे. आपल्या वेगवान गोलंदाजीच्या जोरावर त्याने अनेकदा न्यूझीलंड संघाला सामने जिंकून दिले आहेत. तसेच क्षेत्ररक्षणात देखील त्याने मोलाचं योगदान दिलं आहे. दरम्यान वर्ल्डकप स्पर्धेत नेदरलँडविरुद्ध झालेल्या सामन्यात त्याने एक भन्नाट झेल टिपला आहे. ज्याचा व्हिडिओ सध्या सोशल मीडियावर जोरदार व्हायरल होऊ लागला आहे.

तर झाले असे की, न्यूझीलंड संघाची गोलंदाजी सुरू असताना १७ वे षटक टाकण्यासाठी रचिन रविंद्र गोलंदाजीला आला होता. या षटकातील चौथ्या चेंडूवर बास डी लिडेने मोठा फटका खेळला.

त्याने हा फटका इतका जोरदार मारला होता की, चेंडू सीमारेषेच्या पार जाणारच होता. इतक्यात सीमारेषेवर क्षेत्ररक्षण करत असलेल्या ट्रेंट बोल्टने सुपरमॅन स्टाईल उडी मारली आणि झेल टिपण्याचा प्रयत्न केला. यादरम्यान तो सीमारेषेच्या बाहेर गेला होता. मात्र त्याने चेंडू आत फेकला आणि बाहेर जाऊन परत आत येत हा झेल टिपला. (Latest sports updates)

तसेच या सामन्याबद्दल बोलायचं झालं तर, नाणेफेक जिंकून नेदरलँडने न्यूझीलंड संघाला प्रथम फलंदाजी करण्याचं आमंत्रण दिलं होतं. न्यूझीलंड संघाकडून फलंदाजी करताना विल यंग, रचिन रविंद्र आणि टॉम लेथमने अर्धशतकं झळकावली. विल यंगने ७० धावा ठोकल्या. तर रचिन रविंद्रने ५१ आणि टॉम लेथमने ५३ धावा केल्या.

या खेळीच्या बळावर न्यूझीलंडने ३२२ धावांचा डोंगर उभारला होता. या धावांचा पाठलाग करताना नेदरलँडला अवघ्या २२३ धावा करता आल्या. या सामन्यात न्यूझीलंड संघाने ९९ धावांनी विजय मिळवला आहे.