Team India Playing XI Prediction: भारत आणि बांगलादेश या दोन्ही संघांमध्ये २ कसोटी सामन्यांची मालिका रंगणार आहे. या मालिकेतील पहिल्या कसोटीसाठी भारतीय संघाची घोषणा करण्यात आली आहे. या सामन्यासाठी १६ खेळाडूंना स्थान देण्यात आलं आहे.

या १६ पैकी ११ खेळाडूंची निवड करणं हे रोहित शर्मा समोरील सर्वात मोठं आव्हान असणार आहे. दरम्यान पहिल्या कसोटी सामन्यासाठी कशी असू शकते भारतीय संघाची प्लेइंग ११?जाणून घ्या.

भारत आणि बांगलादेश या दोन्ही संघांमध्ये कडवी झुंज पाहायला मिळणार आहे. या मालिकेतील पहिला सामना चेन्नईतील चेपॉकच्या मैदानावर रंगणर आहे. या खेळपट्टीवर फिरकी गोलंदाजांना चांगली मदत मिळते.

त्यामुळे भारतीय संघ ३ फिरकी गोलंदाजांसह मैदानात उतरु शकतो. ज्यात आर अश्विन, रविंद्र जडेजा यांना स्थान मिळणं जवळजवळ निश्चित आहे. तर तिसरा फिरकी गोलंदाज म्हणून कुलदीप यादव किंवा अक्षर पटेलपैकी एकाला संधी मिळू शकते.

या वेगवान गोलंदाजांना मिळू शकते संधी

पहिल्या कसोटी सामन्यासाठी अनुभवी वेगवान गोलंदाज जसप्रीत बुमराहचा भारतीय संघात समावेश करण्यात आला आहे. त्यामुळे तो वेगवान गोलंदाजी आक्रणम लीड करताना दिसेल. त्याला साथ देण्यासाठी मोहम्मद सिराचजा प्लेइंग ११ मध्ये समावेश केला जाऊ शकतो.

अशी असू शकते बॅटींग लाईनअप

या सामन्यात रोहित शर्मा आणि यशस्वी जयस्वालची जोडी डावाची सुरुवात करताना दिसून येऊ शकते. त्यानंतर विराट कोहली, सरफराज खान, केएल राहुल आणि रिषभ पंत यांचा भारतीय संघात समावेश केला जाऊ शकतो. रिषभ पंत तब्बल २० महिन्यांनंतर भारतीय संघात कमबॅक करताना दिसून येणार आहे.

या खेळाडूंना संधी मिळणं कठीण

रिषभ पंतचं कमबॅक झालं, तर ध्रुव जुरेलला बाकावर बसावं लागेल. तर केएल राहुलला संधी मिळाल्यास शुभमन गिलला संधी मिळणं कठीण आहे. यासह पहिल्यांदाच संधी मिळालेल्या यश दयालला देखील आपल्या संधीची वाट पाहावी लागणार आहे.

बांगलादेशविरुद्धच्या पहिल्या कसोटीसाठी असा आहे भारतीय संघ:

यशस्वी जयस्वाल, रोहित शर्मा (कर्णधार), विराट कोहली, रिषभ पंत, सरफराज खान, केएल राहुल, आर अश्विन, रविंद्र जडेजा, कुलदीप यादव, जसप्रीत बुमराह, मोहम्मद सिराज