T20 World Cup : टीम इंडियाचा पराभव करुन इंग्लंडच्या टीमने फायनलमध्ये धडक मारली आहे. इंग्लंडने भारताचा 10 विकेट्सने पराभव केला. भारताच्या पराभवासह कोट्यवधी भारतीयांच स्वप्न भगलं आहे आहे.

इंग्लंडचे सलामीवीर कर्णधार जॉस बटलर आणि अॅलेक्स हेल्सनं भारतीय गोलंदाजांचा धुव्वा उडवला. या सलामी जोडीनं नाबाद अर्धशतकी खेळी करून भारतावर एकतर्फी विजय मिळवला. (Cricket News)

सेमीफायनलमध्ये इंग्लंडने भारतावर 10 गडी राखून मात केली. इंग्लंडने 169 धावांचे लक्ष्य एकही विकेट न गमावता पूर्ण केले. प्रथम फलंदाजी करताना भारताने 20 षटकांत 6 बाद 168 धावा केल्या. इंग्लंड संघाने 16 षटकात एकही बाद 170 धावा केल्या. इंग्लंडकडून अॅलेक्स हेल्सने 47 चेंडूत नाबाद 86 धावा केल्या. कर्णधार जोस बटलरने 49 चेंडूत 80 धावा केल्या. भारताच्या सहापैकी चार गोलंदाजांनी 10 पेक्षा जास्त इकॉनॉमी रेटने धावा दिल्या.

भारताचा डाव

इंग्लंडचा कर्णधार जोस बटलरने नाणेफेक जिंकून प्रथम गोलंदाजी करण्याचा निर्णय घेतला. भारताची सुरुवात खराब झाली. केएल राहुल केवळ 5 धावांवर बाद केले. यानंतर रोहित शर्मा आणि विराट कोहली यांनी दुसऱ्या विकेटसाठी 43 चेंडूत 47 धावांची भागीदारी केली. मात्र रोहित आऊट झाला आणि त्यानंतर सूर्यकुमारही स्वस्तात माघारी फिरला.

सूर्यकुमार बाद झाल्यानंतर विराट कोहलीने हार्दिक पांड्यासोबत डाव पुढे नेला. दोघांमध्ये 40 चेंडूत 61 धावांची भागीदारी झाली. येथे विराट कोहली 40 चेंडूत 50 धावांची इनिंग खेळून बाद झाला. विराटनंतर ऋषभ पंतही 4 चेंडूत 6 धावा करून धावबाद झाला. 33 चेंडूत 63 धावांची धडाकेबाज खेळी केल्यानंतर हार्दिक पांड्या शेवटच्या चेंडूवर बाद झाला. इंग्लंडकडून ख्रिस जॉर्डनने 3 तर आदिल रशीद आणि ख्रिस वोक्सने 1-1 विकेट घेतली.

विराटच टी20 चा किंग

विराट कोहलीच्या (Virat Kohli) रेकॉर्ड लिस्टमध्ये आणखी एका विक्रमाची नोंद झाली आहे. विराट कोहलीने इंग्लंडविरुद्धच्या सेमिफायनल सामन्यात इतिहास रचला आहे. विराटने टी 20 इंटरनॅशनल क्रिकेटमध्ये 4000 धावांचा टप्पा ओलांडला आहे. चार हजार धावांचा टप्पा ओलांडणारा विराट एकमेव खेळाडू आहे.