Cricket News x
Sports

Cricket : २४ वर्षीय खेळाडूची कमाल, २२ चेंडूत ११० धावा... फक्त चौकार-षटकार मारत पठ्ठ्यानं ठोकलं शतक

Cricket News : इंग्लंडमध्ये सुरु असलेल्या टी-२० ब्लास्ट लीगमध्ये एसेक्स संघाचा युवा फलंदाज जॉर्डन कॉक्सने कमाल केली आहे. त्याने फक्त षटकार आणि चौकार मारत २२ चेंडूंमध्ये ११० धावा केल्या आहेत.

Yash Shirke

भारत विरुद्ध इंग्लंड कसोटी मालिकेदरम्यान सध्या इंग्लंडमध्ये टी-२० ब्लास्ट लीग सुरु आहे. या लीगमध्ये गुरुवारी (१७ जुलै) झालेल्या सामन्यात २४ वर्षीय खेळाडूने तुफानी खेळी करत सर्वांना आश्चर्यचकित केले. विकेटकिपर बॅट्समन असलेल्या जॉर्डन कॉक्सने डावात चौकार आणि षटकार मारत शतकीय खेळी केली. या खेळीमुळे जॉर्डन कॉक्सच्या संघाने, एसेक्सने हॅम्पशायरविरुद्धचा सामना ४ विकेट्सने जिंकला.

प्रथम फलंदाजी करताना हॅम्पशायर संघाने २२० धावा करत एसेक्स संघासमोर तगडे आव्हान ठेवले होते. हॅम्पशायरकडून टोबी अल्बर्टने ८४ धावांची दमदार खेळी केली होती. त्याला हिल्टन कार्टराईटची साथ मिळाली. कार्टराईटने २३ चेंडूत ५६ धावा केल्या.पण या दोघांपेक्षा जॉर्डन कॉक्सची खेळी लक्षणीय ठरली. त्याने चौकार-षटकार मारत २२ चेंडूत ११० धावा केल्या.

जॉर्डन कॉक्सने २३१.६७ च्या स्ट्राईक रेटने ६० चेंडूत १३९ धावांची नाबाद खेळी केली. या डावात त्याने ११ षटकार आणि ११ चौकार मारले. याचा अर्थ त्याने २२ चेंडूत ११ चौकारांसह ४४ धावा आणि ११ षटकारांसह ६६ धावा म्हणजेच एकूण ११० धावा पूर्ण केला. त्याच्या या शतकीय खेळीमुळे ४ चेंडू शिल्लक असताना एसेक्स संघाला विजय मिळाला.

२४ वर्षीय जॉर्डन कॉक्सव्यतिरिक्त एसेक्स संघातील इतर कोणत्याही फलंदाजाला मोठी खेळी करता आली नाही. संघाचे सलामीवीर मायकेल पेपर २३ धावा आणि पॉल वॉल्टर १३ धावा करुन बाद झाले. त्यानंतर एकट्या जॉर्डनने संघाा विजय मिळवून दिला. टी-२० ब्लास्ट लीगमधील एसेक्स संघाचा हा तिसरा विजय आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maratha Reservation GR: सरकारला हा अधिकार नाही, आम्ही कोर्टात जाणार; जीआरविरोधात छगन भुजबळ आक्रमक

Biggest Landowner India : सरकारनंतर भारतात सर्वाधिक जमीन कुणाकडे? तब्बल १७ कोटी एकर जागा आहे नावावर

Maharashtra Live News Update: सुवर्णनगरीत सोन्याचे दर १ लाख ५ हजारांवर

GK: पौर्णिमेला उलट्या दिशेने वाहणारी नदी कोणती आहे आणि कुठे आहे?

Bhiwandi Crime : धडापासून शिर वेगळे करत फेकले खाडीत; महिलेच्या हत्येचा उलगडा, धक्कादायक माहिती आली समोर

SCROLL FOR NEXT