T20 World Cup : T20 विश्वचषक 2022 मध्ये आज भारतीय संघाचा सामना दक्षिण आफ्रिकेशी होत आहे. दोन्ही संघांमधील हा 24वा टी-20 आंतरराष्ट्रीय सामना असेल. याआधी झालेल्या 23 सामन्यांमध्ये टीम इंडियाचा वरचष्मा राहिला आहे. भारतीय संघाने 13 सामने जिंकले आहेत, तर दक्षिण आफ्रिकेने 9 सामने जिंकले आहेत. एक सामना अनिर्णित आहे.

या 23 सामन्यांशी संबंधित आकडेवारी

सर्वोच्च धावसंख्या: टीम इंडियाने 2 ऑक्टोबर 2022 रोजी गुवाहाटी T20 मध्ये दक्षिण आफ्रिकेविरुद्ध 237/3 अशी मोठी धावसंख्या उभारली होती.

सर्वात कमी धावसंख्या: 17 जून 2022 रोजी झालेल्या राजकोट T20 मध्ये दक्षिण आफ्रिकेचा संघ फक्त 87 धावांवर ऑलआऊट झाला होता.

सर्वात मोठा विजय: टीम इंडियाने 17 जून 2022 रोजी राजकोट T20 मध्ये दक्षिण आफ्रिकेचा 82 धावांनी पराभव केला होता. (Sports News)

सर्वाधिक धावा: भारतीय कर्णधार रोहित शर्माने दक्षिण आफ्रिकेविरुद्ध 405 धावा केल्या आहेत. त्याची फलंदाजीची सरासरी 28.92 आणि स्ट्राईक रेट 130.22 आहे.

सर्वोत्कृष्ट धावसंख्या: डेव्हिड मिलरने 2 ऑक्टोबर 2022 रोजी गुवाहाटी T20 मध्ये 47 चेंडूत 106 धावांचे शानदार शतक झळकावले होते.

सर्वाधिक 50+ डाव: क्विंटन डी कॉकने भारत-दक्षिण आफ्रिका सामन्यात 4 वेळा 50+ धावा केल्या आहेत.

सर्वाधिक षटकार: डेव्हिड मिलर येथे आघाडीवर आहे. मिलरने भारताविरुद्धच्या T20 मध्ये 23 षटकार ठोकले आहेत.

सर्वाधिक विकेट : हा विक्रम भुवनेश्वर कुमारच्या नावावर आहे. भारत-दक्षिण आफ्रिका सामन्यात त्याने 14 विकेट घेतल्या आहेत.

सर्वोत्कृष्ट गोलंदाजी: भुवनेश्वर कुमारने 18 फेब्रुवारी 2018 रोजी जोहान्सबर्ग T20 मध्ये 4 षटकात 24 धावा देऊन 5 विकेट घेतल्या होत्या.

सर्वाधिक सामने: डेव्हिड मिलर हा सर्वाधिक वेळा भारत-दक्षिण आफ्रिका सामन्यांचा भाग आहे. त्याने 23 पैकी 17 सामने खेळले आहेत.