Suryakumar yadav saam tv
Sports

Suryakumar Yadav Record: विंडीजमध्ये सूर्याचा मोठा कारनामा! विराट-रोहितचा हा मोठा रेकॉर्ड मोडत बनलाय नंबर १

Suryakumar Yadav New Record In T20I: या खेळीदरम्यान त्याच्या नावे एका मोठ्या विक्रमाची नोंद झाली आहे.

Ankush Dhavre

Suryakumar Yadav Completed 100 Sixes In T20I:

भारतीय संघातील आक्रमक फलंदाज सूर्यकुमार यादव अखेर फॉर्ममध्ये परतला आहे. वेस्टइंडीजविरूद्धच्या सुरूवातीच्या २ सामन्यांमध्ये फ्लॉप ठरल्यानंतर अखेर तिसऱ्या सामन्यात त्याची बॅट तळपली आहे. या तिसऱ्या सामन्यात त्याने धावांचा पाठलाग करताना ८३ धावांची महत्वपूर्ण खेळी केली. या खेळीच्या जोरावर भारतीय संघाने ७ गडी राखून विजय मिळवला आहे. यासह भारतीय संघाने या मालिकेत १-२ ने कमबॅक केले आहे. दरम्यान या खेळीदरम्यान त्याच्या नावे एका मोठ्या विक्रमाची नोंद झाली आहे.

सूर्यकुमार यादवने या खेळीदरम्यान अवघ्या २३ चेंडूंमध्ये आपले अर्धशतक पूर्ण केले. ज्यात १० चौकार आणि ४ गगनचुंबी षटकारांचा समावेश होता. या ४ षटकारांसह सूर्यकुमार यादवने टी-२० आंतरराष्ट्रीय क्रिकेटमध्ये १०० षटकार पूर्ण केले आहेत. भारतीय संघाकडून विराट कोहली आणि रोहित शर्मानंतर १०० षटकार मारणारा तो तिसराच फलंदाज ठरला आहे.

टी- २० आंतरराष्ट्रीय क्रिकेटमध्ये भारतीय संघाकडून सर्वात जलद १०० षटकार मारणारा पहिलाच फलंदाज ठरला आहे. त्याने ५० व्या सामन्यात हा कारनामा करून दाखवला आहे. कर्णधार रोहित शर्माने ९२ व्या सामन्यात हा कारनामा केला होता. तर विराट कोहलीने १०४ सामन्यांमध्ये हा कारनामा करून दाखवला होता. (Latest sports updates)

वेस्टइंडीजमध्ये असा कारनामा करणारा पहिलाच फलंदाज...

सूर्यकुमार यादवने या डावात ८३ धावांची खेळी केली. या अर्धशतकी खेळीसह तो वेस्टइंडीजमध्ये खेळताना टी-२० क्रिकेटमध्ये सर्वाधिक अर्धशतके झळकावणारा फलंदाज ठरला आहे. यापूर्वी विराट कोहली, रोहित शर्मा,रिषभ पंत आणि तिलक वर्माच्या नावे प्रत्येकी १-१ अर्धशतक झळकावण्याची नोंद आहे.

तसेच या सामन्याबद्दल बोलायचं झालं तर, या सामन्यात भारतीय संघाला विजय मिळवण्यासाठी १६० धावांची गरज होती. या धावांचा पाठलाग करताना भारतीय संघाकडून सूर्यकुमार यादवने सर्वाधिक ८३ तर तिलक वर्माने ४९ धावांची खेळी करत संघाला विजय मिळवून दिला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra News Live Update: चाकणमध्ये बेशिस्त वाहतुकीचा फटका; पुणे-नाशिक महामार्गावर वाहनांच्या लांबच लांब रांगा

ते एक वर्षभरापूर्वीचं वक्तव्य अन् सोने-चांदीचा भाव गडगडला; PM नरेंद्र मोदींनी सांगितलं नेमकं कारण

बारामतीत गोळीबाराचा थरार! आलिशान कारमधून आलेल्या उद्योजकावर धडाधड गोळ्या झाडल्या

कुठे घोड्यांची शर्यत, कुठे विदेशी मासे; पुण्यातील पेटोपियात नेमकं काय सुरू आहे? VIDEO

प्रसिद्ध मॉडेल बलात्कार प्रकरणात मुंबईतील उद्योजकाला दिलासा; न्यायालयाकडून अटकपूर्व जामीन मंजूर

SCROLL FOR NEXT