टी-२० वर्ल्डकप जिंकल्यानंतर भारतीय संघ ४ जुलै रोजी भारतात दाखल झाला आहे. भारतीय संघ वर्ल्डकप जिंकून भारतात आल्यानंतर क्रिकेट फॅन्स जोरदार जल्लोष करताना दिसून आले आहेत. सकाळी ६ वाजता एअर इंडियाच्या स्पेशल चार्टर्ड विमानाने भारतीय संघ दिल्लीत दाखल झाला. त्यानंतर सर्व खेळाडू दिल्लीतील ICT Maurya हॉटेलमध्ये जाण्यासाठी रवाना झाले. हॉटेलमध्ये पोहोचल्यानंतर खेळाडूंचं जोरदार स्वागत झालं. दरम्यान सूर्यकुमार यादवचा डान्स करत असतानाचा व्हिडिओ सोशल मीडियावर जोरदार व्हायरल होत आहे.
सूर्यकुमार यादवने भारतीय संघाच्या विजयात मोलाची भूमिका बजावली. त्याला फायनलमध्ये चांगली कामगिरी करता आलेली नसली तरीदेखील त्याने फायनलमध्ये टिपलेला झेल हा सामन्यातील टर्निंग पॉईंट ठरला आहे. सूर्यकुमार यादवने मोक्याच्या क्षणी डेव्हिड मिलरचा झेल टिपला आणि भारतीय संघाला कमबॅक करुन दिलं.
भारतीय संघाच्या २ बस ICT Maurya हॉटेलमध्ये दाखल झाल्या त्यावेळी संघातील खेळाडू आणि सपोर्ट स्टाफमधील खेळाडू हॉटेलमध्ये जात असताना, खेळाडू आणि फॅन्स डान्स करताना दिसून आले. सूर्यकुमार यादवने फॅन्ससोबत ढोल ताशाच्या तालावर ठेका धरला. त्याचा भांगडा करत असल्याचा व्हिडिओ सोशल मीाडियावर चर्चेचा विषय ठरतोय.
दिल्लीत आल्यानंतर रोहितनेही फॅन्ससोबत ठेका धरला. रोहितचाही भांगडा डान्स करत असतानाचा व्हिडिओ सध्या सोशल मीडियावर तुफान व्हायरल होत आहे. दिल्ली विमानतळावरुन बाहेर येताना रोहितने फॅन्सला ट्रॉफी दाखवली. ज्याचा व्हिडिओ देखील सोशल मीडियावर व्हायरल होतोय.
भारतीय संघातील खेळाडू दिल्लीत पंतप्रधान नरेंद्र मोदींची भेट घेणार आहेत. त्यानंतर संध्याकाळी ४ वाजता भारतीय संघ मुंबईत दाखल होणार आहे. ५ वाजता मुंबईतील नरीमन पॉईंटपासून ते मरीन ड्राईव्हपर्यंत ओपन बसमध्ये विजयी परेड काढली जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.