Suryakumar Yadav Apologies: भारतीय संघाला आयसीसी टी- २० वर्ल्डकप जिंकून देण्यात मोलाची भूमिका बजावली आहे. फायनलमध्ये तो फलंदाजीत हवी तशी कामगिरी करु शकला नव्हता. मात्र सीमारेषेवर त्याने भन्नाट कॅच पकडून भारतीय संघाला कमबॅक करुन दिलं होतं. दरम्यान सूर्यकुमार यादव आता बुची बाबू स्पर्धेत खेळताना दिसून येणार आहे. दरम्यान ही स्पर्धा सुरु होण्यापूर्वी त्याने फॅन्सची माफी मागीतली आहे.

सूर्यकुमार यादवकडे (Suryakumar Yadav) भारतीय टी-२० संघाची जबाबदारी सोपवण्यात आली आहे. श्रीलंकेला ३-० ने धूळ चारल्यानंतर आता तो मुंबई संघासाठी खेळताना दिसून येणार आहे. या स्पर्धेत श्रेयस अय्यरही खेळताना दिसून येणार आहे. दरम्यान काही दिवस विश्रांतीवर असताना, सूर्यकुमार यादवने आपल्या इंस्टाग्राम अकाऊंटवर एक स्टोरी शेअर केली आहे. या स्टोरीमध्ये त्याने फॅन्सची माफी मागितली आहे.

स्टोरी शेअर करत मागितली माफी

सूर्याने आपल्या इंस्टाग्राम अकाऊंटवर जिममधला एक सेल्फी फोटो शेअर केला आहे. ज्यात तो शॉर्ट्समध्ये असल्याचं दिसून येत आहे. या फोटोवर कॅप्शन देत त्याने,'कपड्यांसाठी माफ करा.. या गोष्टीसाठी तर वेळच वेळ आहे.'

बुची बाबू स्पर्धेत झळकणार

बुची बाबू क्रिकेट स्पर्धा ही प्रथम श्रेणी क्रिकेटमधील प्रतिष्ठित स्पर्धा आहे. चार दिवसीय फॉरमॅटमध्ये खेळवल्या जाणाऱ्या या स्पर्धेत भारतीय संघातील स्टार खेळाडू खेळताना दिसणार आहे. दरम्यान सूर्यकुमार यादव आणि श्रेयस अय्यरसाठी ही उत्तम संधी असणार आहे. हे दोघेही कसोटी संघातून बाहेर आहे. त्यामुळे या दोघांनाही स्वत:ला सिद्ध करण्याची संधी असणार आहे.