Shaheen Afridi To Marry Again:

सध्या पाकिस्तानात आणि श्रीलंकेत आशिया चषक २०२३ स्पर्धेचा थरार रंगणार आहे. रविवारी या स्पर्धेत भारत- पाकिस्तान यांच्यातील सुपर ४ चा सामना रंगणार आहे. १७ सप्टेंबर रोजी या स्पर्धेचा अंतिम सामना रंगणार आहे.

ही स्पर्धा झाल्यानंतर पाकिस्तानचा वेगवान गोलंदाज शाहीन आफ्रिदी दुसऱ्यांदा विवाह बंधनात अडकणार आहे. त्याने पाकिस्तानचा माजी खेळाडू शाहिद आफ्रिदीची मुलगी अंशा सोबत विवाह केला होता.

आता तो अंशासोबतच दुसऱ्यांदा विवाह बंधनात अडकणार आहे. माध्यमातील वृत्तानूसार हा विवाह सोहळा १९ सप्टेंबरला पार पडणार आहे.

शाहीन आफ्रिदी यापूर्वी देखील विवाह बंधनात अडकला आहे. मात्र पहिल्यांदा जेव्हा तो विवाह बंधनात अडकला होता. त्यावेळी विवाह सोहळ्याला त्याच्या जवळच्या नातेवाईकांनी आणि मोजक्याच क्रिकेटपटूंनी हजेरी लावली होती.

यादरम्यान बाबर आझम आणि शादाब खानसारखे खेळाडू देखील उपस्थित होते. आता दुसऱ्यांदा होत असलेला हा विवाह सोहळा मोठ्या धुमधडाक्यात होणार आहे. माध्यमातील वृ्त्तानुसार १९ ला लग्न तर २१ तारखेला रिसेप्शनचा कार्यक्रम असणार आहे. (Latest sports updates)

शाहीन आफ्रिदी आशिया चषकात पाकिस्तान संघासाठी दमदार कामगिरी करताना दिसतोय. सुपर ४ फेरीत पाकिस्तानने बांगलादेशचा दारूण पराभव केला आहे. आता पाकिस्तानचा पुढील सामना येत्या १० सप्टेंबर रोजी पाकिस्तान संघाविरूद्ध रंगणार आहे.

हा सामना कोलंबोच्या मैदानावर रंगणार आहे. आशिया चषक २०२३ स्पर्धेत पाकिस्तानच्या गोलंदाजांचा बोलबाला पाहायला मिळाला आहे.

शाहीन आफ्रिदीच्या कामगिरीबद्दल बोलायचं झालं तर त्याने आतापर्यंत ७ गडी बाद केले आहेत. तर ३५ धावा खर्च करत ४ गडी बाद ही त्याची आतापर्यंतची सर्वोत्तम कामगिरी आहे.