आयसीसी टी -२० वर्ल्डकप २०२४ स्पर्धेत एकापेक्षा एक रोमांचक सामने पाहायला मिळत आहेत. सर्व संघांचं लक्ष सुपर ८ मध्ये पोहचण्यावर असणार आहे. दक्षिण आफ्रिकेने सुपर ८ मध्ये प्रवेश केला आहे. तर श्रीलंकेचा संघ स्पर्धेतून बाहेर पडणारा पहिलाच संघ ठरला आहे. श्रीलंकेने आतापर्यंत ३ सामने खेळले आहेत. यापैकी २ सामन्यांमध्ये श्रीलंकेला पराभवाचा सामना करावा लागला आहे. तर १ सामना पावसामुळे रद्द झाला.

श्रीलंकेचा ड गटात समावेश करण्यात आला आहे. श्रीलंकेचा पुढील सामना नेपाळविरुद्ध होणार होता. मात्र या सामना पावसामुळे पूर्ण होऊ शकला नाही. सामना रद्द झाल्याचा दक्षिण आफ्रिकेला मोठा फायदा झाला आहे. तर श्रीलंकेच्या टेन्शनमध्ये भर पडली आहे. कारण श्रीलंकेचा १ सामना शिल्लक आहे. हा सामना कितीही मोठ्या फरकाने जिंकला तरीदेखील हा संघ सुपर ८ मध्ये प्रवेश करू शकणार नाही.

श्रीलंकेने पुढील सामना जिंकला तरी हा संघ ३ गुणांपर्यंत पोहोचेल. बांगलादेश विरुद्ध नेदरलँड यांच्यातील सामना झाल्यानंतर श्रीलंकेचा संघ अधिकृतरित्या स्पर्धेतून बाहेर पडेल. श्रीलंकेला अजूनही सुपर ८ मध्ये जाण्याची संधी मिळू शकते. मात्र त्यासाठी दक्षिण आफ्रिका सोडून इतर कुठलाच संघ ३ गुणांचा पुढं जायला नको. यासह बांगलादेश आणि नेदरलँड यांच्यात होणारा सामनाही पावसामुळे रद्द झाला पाहिजे.

यासह ब गटातून ओमानचा संघही बाहेर पडला आहे. ओमानने ३ सामने गमावले आहेत. येणाऱ्या काही सामन्यांमध्ये लवकरच सुपर ८ चं चित्र स्पष्ट होईल. भारतीय संघाकडे अमेरिकेला पराभूत करून सुपर ८ मध्ये जाण्याची संधी असणार आहे.