नितीश कुमार रेड्डी आणि ट्रॅविश हेड यांच्या तुफानी फटकेबाजीच्या जोरावर सनरायझर्स हैदराबादने २०२ धावांच लक्ष्य राजस्थान रॉयलसोर ठेवलं आहे. नितेश कुमार रेड्डीने ८ षटकार ठोकत ७६ धावा केल्या. तर ट्रॅविश हेडने ५८ धावांचं योगदान दिलं. क्लासेनने शेवटी ३ षटकार ठोकत १९ बॉलमध्ये ४२ धावा करत संघाला मजबूत धावसंख्या उभारून दिली आहे.

कर्णधार पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला. मात्र संघाची सुरुवात चांगली झाली नाही. आवेश खानने अभिषेक शर्माला बाद करून राजस्थानला चांगली सुरुवात करून दिली. त्यानंतर संदीप शर्माने अनमोलप्रीत सिंगला बाद केलं. पॉवरप्लेमध्ये हैदराबाद संघाला दोन विकेट्सवर केवळ ३७ धावा करता आल्या. मात्र, नितेश रेड्डीसह हेडने नी तिसऱ्या विकेटसाठी ९६ धावा जोडून हैदराबादची सामन्यात वापसी केली. हेडने टा आयपीएलमधलं चौथं अर्धशतकही झळकावलं.

हेड बाद झाल्यानंतर नितेश रेड्डीने आक्रमक फलंदाजी करत अर्धशतक पूर्ण केलं. त्याला दुहेनरिक क्लासेनची चांगली साथ मिळाली. क्लासेननेही चौकार षटकार ठोकले. हेड, नितेश आणि क्लासेनच्या स्फोटक खेळीमुळे हैदराबादने ६० चेंडूत १२६ धावा केल्या आणि फक्त एक विकेट गमावली. क्लासेन आणि नितीशने चौथ्या विकेटसाठी ७० धावांची भागीदारी केली. फिरकी गोलंदाज युजवेंद्र चहल राजस्थानला चांगलाच महागडा पडला. त्याच्या चार षटकात ६२ धावा चोपल्या.