Snake Found In Live LPL Cricket Match: श्रीलंकेत लंका प्रिमीयर लीग २०२३ स्पर्धेचा थरार सुरू आहे. या स्पर्धेत सोमवारी झालेल्या सामन्यात गाले टायटंस आणि दांबुला औरा हे दोन्ही संघ आमने सामने आले होते. या सामन्यात असं काहीतरी घडलं ज्यामुळे सामना काही मिनिटे थांबवण्यात आला होता. नेमकं काय घडलं? जाणून घ्या.

तर झाले असे की, गाले टायटंस आणि दांबुला औरा या दोन्ही संघांमध्ये सामना सुरू असताना अचानक सापाने एंट्री घेतल्याचे पाहायला मिळाले आहे. त्यामुळे हा सामना काही मिनिटांसाठी थांबवण्यात आला होता.

हा व्हिडीओ सध्या सोशल मीडियावर जोरदार व्हायरल होऊ लागला आहे. तसेच व्हिडीओ व्हायरल होताच नेटकरी देखील या व्हिडीओवर भन्नाट प्रतिक्रिया देताना दिसून येत आहेत.

व्हिडीओ जोरदार व्हायरल...

ही घटना दांबुला संघाची फलंदाजी सुरू असताना घडली. त्यावेळी गाले टायटंस संघाकडून शाकिब अल हसन गोलंदाजी करत होता. तो चेंडू टाकणार इतक्यात सापाने मैदानात एंट्री घेतली. त्यानंतर खेळ काही मिनिटांसाठी थांबवण्यात आला. साप मैदानात आल्याचे पाहुन दोन्ही संघातील खेळाडूंना घाम फुटल्याचे पाहायला मिळाले होते. (Latest sports updates)

सुपर ओव्हरमध्ये लागला सामन्याचा निकाल..

तसेच या सामन्याबद्दल बोलायचं झालं तर गाले टायटंस संआने दांबुला औरा संघावर जोरदार विजय मिळवला. प्रथम फलंदाजी करण्यासाठी आलेल्या गाले टायटंस संघाने २० षटक अखेर ५ गडी बाद १८० धावा केल्या होत्या.

या धावांचा पाठलाग करण्यासाठी आलेल्या दांबुला औरा संघाने २० षटक अखेर ७ गडी बाद १८० धावा केल्या होत्या. हा सामना बरोबरीत समाप्त झाला. सुपर ओव्हरमध्ये गाले टायटंस संआने दांबुला औरा संघावर जोरदार विजय मिळवला.