आयपीएल २०२४ स्पर्धेत चेन्नई सुपर किंग्ज संघाचा जलवा सुरुच आहे. या स्पर्धेतील ७ व्या सामन्यात चेन्नई सुपर किंग्ज आणि गुजरात टायटन्स हे दोन्ही संघ आमने सामने आले होते. या सामन्यात चेन्नईच्या खेळाडूंनी शानदार खेळ करत गुजरातवर ६३ धावांनी विजय मिळवला. या पराभवानंतर गुजरातचा कर्णधार शुभमन गिलने नेमकं काय चुकलं? याबाबत वक्तव्य केलं आहे.
पराभवानंतर काय म्हणाला शुभमन गिल?
चेन्नईतील चेपॉकच्या मैदानावर पार पडलेल्या सामन्यात गुजरात टायटन्स संघाचा एकतर्फी पराभव झाला. ६३ धावांनी झालेल्या पराभवानंतर शुभमन गिलने मान्य केलं की, गुजरातचा संघ फलंदाजीत आणि गोलंदाजीत मागे पडला.
सामन्यानंतर तो म्हणाला की,' त्यांनी शानदार फलंदाजी करत आम्हाला बॅकफुटवर ठेवलं. त्यानंतर गोलंदाजीतही त्याने शानदार कामगिरी केली. आम्ही पावरप्लेच्या षटकांमध्ये धावा करण्यात अपयशी ठरलो. आम्हाला १९० ते २०० धावांपर्यंतचं आव्हान मिळू शकतं हे माहित होतं. कारण खेळपट्टी फलंदाजीसाठी चांगली होती. (Cricket news in marathi)
तसेच नेतृत्वाबाबत बोलताना तो म्हणाला की, 'खूप नवीन गोष्टी शिकायला मिळत आहेत. गुजरात टायटन्ससारख्या संघाचं नेतृत्व करणं शानदार आहे. आम्ही गेल्या हंगामांमध्ये फायनलमध्ये जागा मिळवली आहे. त्यामुळे हे खरंच शानदार आहे.' गुजरात टायटन्स संघाने आयपीएल २०२२ स्पर्धेतून पदार्पण केलं होतं.
पहिल्याच हंगामात या संघाने जेतेपदावर नाव कोरलं. त्यानंतर पुढील हंगामात या संघाने फायनलमध्ये प्रवेश केला. मात्र फायनलमध्ये चेन्नईकडून पराभवाचा सामना करावा लागला. दरम्यान हार्दिक पंड्या संघातून बाहेर पडल्यानंतर ही जबाबदारी शुभमन गिलवर सोपवण्यात आली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.