Sean Abbott Catch Video:

आगामी वनडे वर्ल्डकप २०२३ स्पर्धेच्या पार्श्वभूमीवर ऑस्ट्रेलियाचा संघ दक्षिण आफ्रिका दौऱ्यावर आहे. दोन्ही संघांमध्ये ५ वनडे सामन्यांची मालिका सुरू आहे.या मालिकेतील तिसऱ्या सामन्यात दक्षिण आफ्रिकेने १११ धावांनी मिळवत वनडे मालिकेत १-२ ने कमबॅक केले आहे.

दरम्यान या सामन्यात ऑस्ट्रेलियातील खेळाडू सीन अबॉटने बाऊंड्रीलाईनजवळ एक भन्नाट झेल टिपला आहे. ज्याचा व्हिडिओ सध्या सोशल मीडियावर जोरदार व्हायरल होऊ लागला आहे. (Sean Abbott Catch Video)

सीन अबॉटने टिपला क्रिकेट इतिहासातील सर्वोत्तम झेल..

सोशल मीडियावर दक्षिण आफ्रिका विरूद्ध ऑस्ट्रेलिया यांच्यातील तिसऱ्या वनडे सामन्यातील एक व्हिडिओ सध्या सोशल मीडियावर तुफान व्हायरल होत आहे.

या व्हिडिओमध्ये तुम्ही पाहू शकता की,ऑस्ट्रेलियातील संघातील खेळाडू सीन अॅबॉटने डाईव्ह मारत अविश्वसनीय झेल टिपला आहे.

तर झाले असे की, दक्षिण आफ्रिकेची फलंदाजी सुरू असताना ऑस्ट्रेलियाकडून ४७ वे षटक टाकण्यासाठी एलिस गोलंदाजीला आला होता. त्यावेळी मार्को यान्सेन ३२ धावांवर फलंदाजी करत होता. एलिसने या षटकातील चौथा चेंडू ऑफ साईडला वाईडच्या अगदी जवळ टाकला.या चेंडूवर यान्सेने ऑफ साईडच्या दिशेने मोठा फटका मारला.

हा चेंडू जेव्हा बॅटला लागला त्यावेळी असं वाटलं होतं की,हा चेंडू थेट बाऊंड्रीलाईनच्या बाहेर जाणार. मात्र असं काहीच झालं नाही. कारण बाऊंड्रीलाईनवर उभ्या असलेल्या सीन अबॉटने बाऊंड्रीलाईनच्या बाहेर जात असलेला चेंडू डाई्व्ह मारत एका हाताने टिपला. हा व्हिडिओ सध्या सोशल मीडियावर चर्चेचा विषय ठरतोय. (Latest sports updates)

या सामन्याबद्दल बोलायचं झालं तर या सामन्यात दक्षिण आफ्रिकेने नाणेफेक जिंकून प्रथम गोलंदाजीचा निर्णय घेतला होता. प्रथम फलंदाजी करत असलेल्या दक्षिण आफ्रिका संघाकडून एडन मार्करमने नाबाद १०२ धावांची खेळी केली.

तर क्विंटन डी कॉकने ८२ धावांची खेळी केली. दक्षिण आफ्रिकेने या डावात ६ गडी बाद ३३८ धावा केल्या. तर या धावांचा पाठलाग करताना ऑस्ट्रेलियाकडून डेव्हिड वॉर्नरने सर्वाधिक ७८ धावांची खेळी केली.

तर ट्रेविस हेडने ३८ धावांचे योगदान दिले. ऑस्ट्रेलियाला या डावात अवघ्या २२७ धावा करता आल्या. यासह दक्षिण आफ्रिकेने या सामन्यात १११ धावांनी विजय मिळवला आहे.