भारत आणि पाकिस्तान यांच्यातील सुपर ४ चा सामना कोलंबोच्या मैदानावर पार पडला. या सामन्यात पाकिस्तानचा कर्णधार बाबर आझमने नाणेफेक जिंकून भारतीय संघाला प्रथम फलंदाजी करण्याचे आमंत्रण दिले होते. दरम्यान डावाची सुरूवात करण्यासाठी आलेल्या कर्णधार रोहित शर्माच्या नावे एका खास विक्रमाची नोंद झाली आहे.
रोहित शर्मा सलामीवीर फलंदाज म्हणून आपला ३०० वा सामना खेळण्यासाठी मैदानावर उतरला. यासह त्याने वीरेंद्र सेहवाग आणि सचिन तेंडुलकरसारख्या दिग्गज खेळाडूंच्या यादीत प्रवेश केला आहे.
पाकिस्तानविरूद्ध पार पडलेला सामना हा त्याचा ३०० वा आंतरराष्ट्रीय सामना होता. २२७ सामन्यांमध्ये तो सलामीवीर फलंदाज म्हणून मैदानावर उतरला आहे. तर ७२ सामन्यांमध्ये तो दुसऱ्या क्रमांकावर फलंदाजी करण्यासाठी उतरला आहे.
प्रथम फलंदाजी करताना त्याने ९८७० धावा केल्या आहेत. तर दुसऱ्या क्रमांकावर फलंदाजी करताना त्याने ३४९६ धावा केल्या आहेत. (Latest sports updates)
सचिनच्या नावे आहे रेकॉर्ड..
भारतीय संघासाठी सलामीवीर फलंदाज म्हणून सर्वाधिक सामने खेळण्याचा रेकॉर्ड हा सचिन तेंडुलकरच्या नावे आहे. सचिनने ३४६ सामन्यांमध्ये भारतीय संघासाठी डावाची सुरूवात केली आहे.
तर वीरेंद्र सेहवागने सलामीवीर फलंदाज म्हणून ३२१ सामने खेळले आहेत. रोहित शर्मा या यादीत तिसऱ्या स्थानी पोहोचला आहे. तर २६८ सामने खेळणारा शिखर धवन या यादीत चौथ्या स्थानी आहे.
रोहित- गिलची भागीदारी ..
या सामन्यात प्रथम फलंदाजी करण्यासाठी आलेल्या भारतीय संघाला रोहित शर्मा आणि शुबमन गिलच्या जोडीने चांगली सुरूवात करून दिली होती. दोघांनी मिळून पहिल्या विकेटसाठी दोघांनी १२१ धावा जोडल्या.
या दरम्यान रोहित शर्माने ४९ चेंडूंचा सामना करत ५६ धावांची खेळी केली. तर शुबमन गिलने ५२ चेंडूंचा सामना करत ५८ धावांची खेळी केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.