Ind vs Eng 1st Test : भारताचा युवा उपकर्णधार आणि यष्टीरक्षक रिषभ पंत त्याच्या आगळ्या वेगळ्या फलंदाजीसाठी लोकप्रिय आहे. यष्टिरक्षण करताना पंत इतर खेळाडूंशी मजामस्ती करत असतो. मैदानावर असताना रिषभ पंत वेगळ्याच अवतारात असतो. अनेकदा त्याच बोलणं स्टम्पमाईकमध्ये कैद होते. अशाच एका स्टम्पमाईकमधील संवादाची सोशल मीडियावर चर्चा पाहायला मिळत आहे.

फलंदाजी करताना रिषभ पंतने शतकीय खेळी केली. १७८ चेंडू खेळत त्याने १३४ धावा मारल्या. यात बारा चौकार आणि सहा षटकारांचा समावेश होता. सामन्यादरम्यान रिषभ पंतचा व्हिडीओ सोशल मीडियावर व्हायरल होत आहे. या व्हिडीओमध्ये फलंदाजी करणाऱ्या रिषभ पंचचा मजेशीर संवाद कैद झाला आहे.

शतक ठोकल्यानंतरही रिषभ पंत आक्रमक शैलीत फलंदाजी करत होता. दुसऱ्या बाजूला शुभमन गिल पाठोपाठ करुण नायरची विकेट पडली. त्यानंतर रवींद्र जडेजा मैदानात उतरला. तेव्हा १०८ व्या ओव्हरच्या पहिल्या चेंडूदरम्यान रिषभने जडेजाला 'सूजवलं रे याने एकाच जागी मारून-मारून' असे म्हटले. हा संवाद स्टम्पमाईकमध्ये कैद झाला. या घटनेचा व्हिडीओ सोशल मीडियावर व्हायरल होत आहे.

कसोटी सामन्याच्या तिसऱ्या दिवसाचा आढावा -

तेंडुलकर-अँडरसन ट्रॉफीमधील पहिला सामना लीड्सच्या हेडिंग्लेमध्ये सुरु आहे. पहिल्या डावात भारताने ४७१ धावा केल्या. सामन्याच्या तिसऱ्या दिवशी भारतीय गोलंदाजांनी ४६५ धावांवर इंग्लंडच्या संघाला ऑलआउट केले. जसप्रीत बुमराहने सर्वाधिक ५ विकेट्स घेतल्या. त्याच्या पाठोपाठ प्रसिद्ध कृष्णाने ३ आणि मोहम्मद सिराजने २ गडी बाद केले. आता पुन्हा भारताची फलंदाजी सुरु आहे.