मुंबई इंडियन्स विरुद्ध राजस्थान रॉयल्सच्या सामन्यात अवघ्या १५ वर्षांच्या वैभव सूर्यवंशीचा तडाखा पाहायला मिळाला. वैभवने जगातील सगळ्यात टॉप गोलंदाज जसप्रीत बुमराह्च्या पहिल्याच चेंडूवर षटकार ठोकला. त्याच षटकातील चौथ्या चेंडूवरही जोरदार षटकार लगावला. वैभव सूर्यवंशीच्या फलंदाजीचा व्हिडिओ सोशल मीडियावर व्हायरल होत आहे.

मुंबई इंडियन्स विरुद्ध राजस्थान रॉयल्सदरम्यान झालेल्या सामन्यात वैभव सूर्यवंशी आणि जसप्रीत बुमराह आमनेसामने आले. वैभव सूर्यवंशीने जगातील चांगल्या गोलंदाजाची धुलाई केली आहे. वैभव सूर्यवंशीने काल झालेल्या सामन्यात जसप्रित बुमराहला देखील चांगलाच झोडला. त्याने पहिल्याच षटकात दोन षटकार लगावले.

पावसामुळे मुंबई इंडियन्स आणि राजस्थान रॉयल्सदरम्यान ११-११ षटकांचा सामना झाला. मुंबई इंडियन्सचा कर्णधार हार्दिक पंड्याने टॉस जिंकून प्रथम फलंदाजी करण्याचा निर्णय घेतला. त्यानंतर प्रथम फलंदाजी करण्यासाठी उतरलेल्या राजस्थान रॉयल्सच्या यशस्वी जायस्वाल आणि वैभव सूर्यवंशीने सुरुवातीपासूनच आक्रमक फलंदाजी सुरू केली.

यशस्वीने दीपक चाहरच्या पहिल्याच षटकात २० धावा कुटल्या. त्यानंतर जसप्रीत बुमाराह गोलंदाजीसाठी आला. त्यावेळी वैभव सूर्यवंशीने बुमराहच्या पहिल्याच चेंडूवर षटकार ठोकत स्वागत केलं. वैभवने २७८.५७ च्या स्ट्राइक रेटने १४ चेंडूत ३९ धावा कुटल्या. त्याने ६ षटकार आणि १ चौकार लगावला.

वैभवने बुमराहच्या पहिल्याच चेंडूवर षटकार लगावून तडाखा दाखवला. यशस्वी जायस्वालने देखील आक्रमक फलंदाजी केलं. डावखुरा फलंदाज असलेल्या यशस्वीने मुंबई इंडियन्सच्या गोलंदाजांची धुलाई करताना ३२ चेंडूत ७७ धावा कुटल्या. यशस्वीने १० चौकार आणि ४ षटकार लगावले. राजस्थान रॉयल्सने १५० धावापर्यंत धावसंख्या नेली. यशस्वीने आयपीएल २०२६ स्पर्धेत आतापर्यंत १७० धावसंख्या केल्या आहेत. त्याच्याकडेच आता ऑरेंज कॅप आहे.