प्रो कबड्डी स्पर्धेच्या १० (Pro Kabaddi Season 10) व्या हंगामाला जोरदार सुरुवात झाली आहे. स्पर्धेतील पहिल्याच सामन्यात गुजरात जायंट्स संघाने तेलुगू टायटन्स संघाचा धुव्वा उडवत जोरदार विजय मिळवला. दरम्यान स्पर्धेतील तिसऱ्या सामन्यात तमिल थलायवाज (Tamil Thalaivas) आणि दबंग दिल्ली (Dabang Delhi) हे दोन्ही संघ आमने सामने होते. या सामन्यात तमिल थलायवाजने बाजी मारत ११ गुणांनी विजय मिळवला आहे.
या सामन्याबद्दल बोलायचं झालं तर दबंग दिल्ली संघाने नाणेफेक जिंकलं आणि तमिल थलायवाजला प्रथम चढाई करण्याचं आमंत्रण दिलं. या सामन्यात दोन्ही संघातील प्रत्येकी १-१ खेळाडूंनी सुपर १० केलं. तमिल थलायवाज संघाकडून खेळताना अजिंक्य पवारने १८ गुणांची कमाई केली. तर दबंग दिल्ली संघाकडून कर्णधार नवीन कुमारने १३ गुणांची कमाई केली. मात्र ही त्याची खेळी व्यर्थ गेली. कारण तो आपल्या संघाला विजय मिळवून देऊ शकलेला नाही. (Latest sports news in marathi)
तमिल थलायवाजने पहिल्या हाल्फनंतर दबंग दिल्लीविरुद्ध १८-१४ अशी आघाडी घेतली. या सामन्यात दोन्ही संघांमध्ये बरोबरीची लढत सुरु होती. अखेर तमिल थलायवाजने कमबॅक केलं आणि दिल्लीला ऑल आऊट केलं. त्यानंतर तमिल थलायवाजचा संघ ऑल आऊट होण्याच्या वाटेवर होता. अखेर अजिंक्य पवारने नवीनला सुपर टॅकल केलं आणि संघाला कमबॅक करुन दिलं.
या सामन्यातील ३० व्या मिनिटाला दिल्लीचा ऑल आऊट झाला. यासह तमिल थलायवाजने १२ गुणांची आघाडी घेतली. दिल्ली संघाला या सामन्यात हवी तशी पकड करता आली नाही. हेच कारण होतं की, तमिल थलायवाजने सहज विजय मिळवला. तमिल थलायवाजने या सामन्यात ४२ गुणांपर्यंत मजल मारली. तर दबंग दिल्लीला ३१ गुणांपर्यंत मजल मारता आली. तमिल थलायवाजने या सामन्यात ११ गुणांनी विजय मिळवला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.