Asia Cup 2025: आशिया कप स्पर्धेत भारताकडून पराभूत झाल्यानंतर पाकिस्तान क्रिकेट बोर्डाने मोठा निर्णय घेतलाय. बोर्डाने सर्व खेळाडूंना परदेशी लीगमध्ये खेळण्यासाठी दिल्या जाणाऱ्या एनओसी रद्द करण्यात आल्या आहेत. पाकिस्तानी टीममधील खेळाडूंचं जगभरात होणाऱ्या लीगमध्ये खेळूनही टी२० फॉर्मेटमध्ये चांगली कामगिरी कमी केली नाही. यामुळे पाकिस्तानी क्रिकेट बोर्डाने खेळाडूंवर मोठी कारवाई केली आहे. आशिया कप स्पर्धेत पाकिस्तानी संघ टीम इंडियाकडून तीन वेळा पराभूत झाला.

पाकिस्तानी वृत्त संस्थेच्या रिपोर्टनुसार, पाकिस्तानी क्रिकेट बोर्डाचे प्रमुख कार्यकारी अधिकारी सैयद समीर अहमद यांनी सर्व अधिकाऱ्यांना याबाबत आदेश दिले आहेत. या आदेशानुसार, पाकिस्तानी खेळाडूंना परदेशात टी२० लीग खेळण्यास परवानगी नसेल. त्यामुळे पाकिस्तानी खेळाडूंना देशातील टी२० लीग खेळावे लागतील.

पाकिस्तान क्रिकेट बोर्डाच्या निर्णयाचा फटका सर्व खेळाडूंना बसेल. यात बाबर आझम, मोहम्मद रिझवान, शाहीन शाह अफरिदी, हारिस रउफ, शादाब खान आणि फहीम अशरफ यांच्या नावाचा समावेश आहे.

आयसीसी आशिया कप २०२५ स्पर्धेत पाकिस्तानची टीमने भारताला सोडून इतर सर्व संघाला पराभूत केलं. मात्र, टीम इंडियाकडून लाजीरवाणा पराभवाला सामोरे जावं लागलं. आशिया कपमधील अंतिम सामन्यात पाकिस्तानी संघाने टीम इंडियाला कडवी झुंज दिली. मात्र, तिलक वर्माच्या नाबाद ६९ धावांच्या खेळीने टीम इंडिया ५ विकेटने जिंकली. आशिया कप स्पर्धेतील पाकिस्तानी खेळाडूंच्या खराब कामगिरीमुळे पीसीबी नाराज आहे. त्यामुळे पाकिस्तानी क्रिकेट बोर्डाने त्यांच्या संघाविरोधात कठोर निर्णय घेतला आहे.

संघात फेरबदल?

पाकिस्तानी क्रिकेट बोर्ड लवकरच खेळाडूंच्या कामगिरीचा आढावा घेण्याची शक्यता आहे. त्यानंतर खराब कामगिरी करणाऱ्या खेळाडूंना विश्रांती देण्याची शक्यता व्यक्त केली जात आहे. तर इतर तरुण खेळाडूंना संधी दिली जाऊ शकते. संघाच्या कोचमध्येही बदल होण्याची शक्यता नाकारता येत नाही.