ECB म्हणजेच इंग्लंड क्रिकेट बोर्डाने विश्वचषक विजेत्या कर्णधारावर कारवाई केली आहे. अ‍ॅशेस मालिकेपूर्वी बोर्डाने कर्णधाराला संघातून बाहेर काढले आहे. या कर्णधाराचे काही ऑडिओ लीक झाले होते. ऑडिओमध्ये तो महिलांशी अश्लील आणि आक्षेपार्ह पद्धतीने बोलत होता. ऑडिओ लीकमुळे त्याच्या अडचणीत वाढ झाली आहे. याव्यतिरिक्त कोट्यावधी रूपयांच्या कर थकबाकीचा आरोपही त्याच्यावर करण्यात आला आहे. या कर्णधाराचे नाव पॉल कॉलिंगवूड असे आहे.

एकेकाळी इंग्लंड क्रिकेटमधील खास असलेला पॉल कॉलिंगवूड हा इंग्लंडच्या संघाच्या प्रशिक्षकांपैकी एक आहे. पण मागील काही महिन्यांपासून तो प्रशिक्षण शिबिरात किंवा संघातसोबत दिसला नाहीये. वैयक्तिक कारणांमुळे त्याने नॉटिंगहॅममध्ये झिम्बाब्वेविरुद्धच्या कसोटी सामन्यातून माघार घेतली होती. ऑस्ट्रेलियात होणाऱ्या आगामी अ‍ॅशेस मालिकेसाठी त्याला प्रशिक्षकांच्या संघात समाविष्ट केले जाणार नसल्याचे वृत्त डेली मेलने दिले आहे.

माजी फिरकी गोलंदाज ग्रॅमी स्वानने एका पॉडकास्टमध्ये क्रिकेटपटूंमध्ये फिरणाऱ्या अश्लील ऑडिओ रेकॉर्डिंगचा उल्लेख केला होता. त्यानंतर पॉल कॉलिंगवूड या प्रकरणात अडकले गेले. लीक झालेल्या ऑडिओमध्ये पॉल कॉलिंगवूड महिलांशी अश्लील, आक्षेपार्ह भाषेत बोलत असल्याचा ऐकायला मिळते. या प्रकरणामुळे कॉलिंगवूड यांच्या अडचणी वाढल्या. या प्रकरणाची चौकशी अजूनही सुरू आहे.

२००७ मध्ये दक्षिण आफ्रिकेतील टी२० विश्वचषकादरम्यान कॉलिंगवुड केपटाऊनमधील मॅव्हेरिक्स या स्ट्रिप क्लबमध्ये दिसला. व्लब ताबडतोब सोडल्याचा दावा करूनही क्रिकेट बोर्डाने त्याला १,००० पौंड दंड ठोठावला होता. २०२२ मध्ये अ‍ॅशेस पराभवानंतर मुख्य प्रशिक्षक झाल्यानंतर काही दिवसांतच, बार्बाडोसमध्ये एका महिलेला चुंबन घेतानाचे त्यांचे फोटो समोर आले. ही घटना इंग्लंडच्या वेस्ट इंडिजविरुद्धच्या पराभवानंतर घडली होती.