Pakistan vs Afghanistan Match Prediction:

वर्ल्डकप २०२३ स्पर्धेत आज पाकिस्तान आणि अफगाणिस्तानचा संघ आमने सामने येणार आहे. हा सामना चेन्नईतील चेपॉकच्या मैदानावर रंगणार आहे. चेपॉकची खेळपट्टी ही फिरकी गोलंदाजांसाठी फायदेशीर ठरते. त्यामुळे आज होणाऱ्या सामन्यातही फिरकी गोलंदाजांचा दबदबा पाहायला मिळू शकतो.

सामच्या बातम्या Whatsapp वर मिळवण्यासाठी आत्ताच या लिंकवर क्लिक करा

अफगाणिस्तान आणि पाकिस्तानचा संघ त्याच खेळपट्टीवर आमने सामने येणार आहे ज्या खेळपट्टीवर भारत आणि ऑस्ट्रेलियाचा सामना पार पडला. या सामन्यासाठी भारतीय संघात ३ फिरकी गोलंदाजांचा समावेश करण्यात आला होता.

या सामन्यात भारतीय फिरकी गोलंदाजांनी ऑस्ट्रेलियन फलंदाजांना आपल्या फिरकीच्या तालावर नाचवलं होतं. ही खेळपट्टी काळ्या मातीची असल्याने चेंडू अपेक्षेपेक्षा जास्त फिरतो.

अफगाणिस्तानचे हे गोलंदाज घालणार धुमाकूळ..

सामना चेपॉकवर होणार आहे, त्यामुळे अफगाणिस्तानच्या फिरकी तिकडीवर मोठी जबाबदारी असणार आहे. अफगाणिस्तान संघातील राशिद खान, मोहम्मद नबी आणि मुजीब उर रहमान हे गोलंदाज पाकिस्तानच्या फलंदाजांसाठी कर्दनकाळ ठरू शकतात.

अफगाणिस्तानचं फिरकी गोलंदाजी आक्रमण हे भारतीय फिरकी आक्रमणासह वर्ल्डकप २०२३ स्पर्धेतील सर्वोत्कृष्ट फिरकी आक्रमण आहे. तर पाकिस्तानचं फिरकी आक्रमण कमकूवत असल्याचं दिसून येत आहे. (Latest sports updates)

चेन्नईतील हवामान उष्ण असणार आहे. त्यामुळे दुपारची वेळ फलंदाजीसाठी योग्य असू शकते. या सामन्यात नाणेफेक जिंकणारा संघ प्रथम फलंदाजी करण्याचा निर्णय घेऊ शकतो. सामना जस जसा पुढे जाईल, खेळपट्टीवर चेंडू फिरण्याचं प्रमाण वाढेल. त्यामुळे फलंदाजी करणाऱ्या संघाच्या अडचणीत वाढ होऊ शकते.

या सामन्यासाठी अशी असू शकते अफगाणिस्तानची प्लेइंग ११ :

रहमानउल्ला गुरबाज, इब्राहिम जद्रान, रहमत शाह, हशमतुल्ला शाहिदी (कर्णधार), अजमतुल्ला ओमरझाई, इक्रम अलीखिल, मोहम्मद नबी, राशिद खान, मुजीब उर रहमान, नवीन-उल-हक, फजलहक फारुकी