PAK vs ENG 2nd Test saam tv
Sports

PAK vs ENG 2nd Test : पाकिस्तानने पराभवाचा वचपा काढलाच! इंग्लंडला मात देत ३ वर्षांनी घरच्या मैदानावर जिंकला टेस्ट सामना

PAK vs ENG 2nd Test : पाकिस्तानच्या टीमने घरच्या मैदानावर तब्बल १३३८ दिवसांनी टेस्ट सामना जिंकला आहे. दुसऱ्या टेस्ट सामन्यात पाकिस्तानने इंग्लंडचा तब्बल १५२ रन्सने पराभव केला आहे.

Surabhi Jayashree Jagdish

पाकिस्तानच्या टीमने इंग्लंडला एक मोठा धक्का दिलाय. दुसऱ्या टेस्ट सामन्यामध्ये पाकिस्तानने इंग्लंडचा पराभव करत पहिल्या सामन्यातील पराभवाचा वचपा काढला आहे. यावेळी पाकिस्तानच्या टीमने घरच्या मैदानावर तब्बल १३३८ दिवसांनी टेस्ट सामना जिंकला आहे. या सामन्यात पाकिस्तानने इंग्लंडचा तब्बल १५२ रन्सने पराभव केला आहे.

पहिल्या टेस्ट सामन्यात झालेल्या लाजीरवाण्या पराभवानंतर पाकिस्तानने मुलतानचं मैदान गाजवलं. या सामन्यात दोन्ही डावांमध्ये इंग्लंडच्या टीमला काही साजेसा खेळ करता आला नाही. इंग्लंडची टीम दुसऱ्या डावातही गडगडली. यावेळी तळाच्या दोन फलंदाजांनी पराभव टाळण्याचा प्रयत्न केला. मात्र पाकिस्तानच्या नोमान अलीने ८ विकेट्स घेत इंग्लंडचा पराभव केला.

टेस्ट सिरीजमध्ये बरोबरी

पाकिस्तान क्रिकेट टीमने दुसऱ्या टेस्ट सामन्यात इंग्लंडचा 152 रन्सने पराभव केला आहे. यासह 3 सामन्यांची टेस्ट सिरीजमध्ये आता 1-1 अशी बरोबरी झाली आहे. पहिल्या सामन्यात इंग्लंडने एक डाव आणि 47 रन्सने विजय मिळवला होता. पाकिस्तानने 2021 नंतर घरच्या मैदानावर टेस्ट सामना जिंकला होता. त्यावेळी पाकिस्तानने दक्षिण आफ्रिकेच्या क्रिकेट संघाचा पराभव केला होता.

दुसऱ्या टेस्ट सामन्यात इंग्लंडच्या टीमला 297 रन्सचं लक्ष्य मिळालं होतं. यावेळी प्रत्युत्तरात इंग्लंडची संपूर्ण टीम दुसऱ्या डावात अवघ्या 144 रन्सवर गारद झाली. पाकिस्तानकडून नोमान अलीने दुसऱ्या डावात आठ, तर साजिद खानने दोन विकेट्स घेतल्या.

इंग्लंडचा कर्णधार बेन स्टोक्स ३६ चेंडूत 37 रन्स करून बाद झाला. या विकेटनंतर इंग्लंड टीमच्या जिंकण्याच्या आशाही मावळल्या. यानंतर आता तिसरी आणि शेवटची टेस्ट २४ ऑक्टोबर रोजी रावळपिंडीमध्ये खेळवण्यात येणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

'मराठीचाच अजेंडा'; कोणताच झेंडा नाही, ठाकरे बंधूंच्या विजयी मेळाव्याची निमंत्रण पत्रिका चर्चेत

रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

IND vs ENG Test 2 Day 3: All Out! सिराजच्या भेदक माऱ्यापुढे इंग्लंडची टीम ढेपाळली; भारताकडे 180 धावांची आघाडी

Sushil Kedia : आमच्यासारखा जर खरंच पेटून उठला तर...व्यावसायिक सुशील केडिया यांनी राज ठाकरेंना डिवचलं

ठाकरेंच्या मेळाव्याला काँग्रेस-राष्ट्रवादीची दांडी? ठाकरेंच्या मेळाव्यात मविआचा सहभाग? मराठीवरून मविआत फूट?

SCROLL FOR NEXT