भारताचा स्टार फलंदाज विराट कोहली हा गेल्या काही दिवसांपासून संघाबाहेर आहे. त्याचं भारतीय संघात कमबॅक केव्हा होणार? असा प्रश्न सर्वांनाच पडला आहे. भारत आणि इंग्लंड यांच्यातील कसोटी मालिकेपूर्वी त्याने आपलं नाव मागे घेण्याचा निर्णय घेतला होता. तेव्हापासून तो सोशल मीडिया आणि क्रिकेटच्या खेळपट्टीपासून दूर आहे. त्यामुळे तो आयपीएल खेळणार का? आयपीएल खेळणार असेल तर केव्हा मैदानात उतरणार? जाणून घ्या.
येत्या १९ मार्च रोजी रॉयल चॅलेंजर्स बंगळुरू संघाचा अन्बॉक्स शो होणार आहे. त्यामुळे तो याच दिवशी संघासोबत जोडला जाऊ शकतो असं म्हटलं जात आहे. विराटबद्दल बोलायचं झालं तर तो अफगाणिस्तानविरुद्ध झालेल्या टी -२० मालिकेत खेळताना दिसून आला होता. त्यानंतर तो मैदानावर खेळताना दिसून आलेला नाही.
मात्र विराट १९ मार्च रोजी संघासोबत जोडला जाईल याबाबत रॉयल चॅलेंजर्स बंगळुरू किंवा विराट कोहलीने कुठलीही अपडेट दिलेली नाही. यासह विराट आयपीएल २०२४ स्पर्धा खेळणार की नाही यावर देखील प्रश्नचिन्ह आहे. स्पर्धा सुरू व्हायला अवघे काही दिवस शिल्लक राहिले आहेत. अद्यापही विराटचा पत्ता नाही. ही रॉयल चॅलेंजर्स बंगळुरू संघाच्या फॅन्ससाठी चिंता वाढवणारी बाब आहे. (Cricket news in marathi)
विराट टी -२० वर्ल्डकपमधून बाहेर?
आयपीएल २०२४ स्पर्धा झाल्यानंतर भारतीय संघाला टी -२० वर्ल्डकप खेळायचा आहे. त्यामुळे या स्पर्धेचा दृष्टीने आयपीएल स्पर्धा अतिशय महत्वाची असणार आहे. दरम्यान माध्यमांमध्ये असं म्हटलं जात आहे की,टी -२० वर्ल्डकपसाठी विराटला भारतीय संघात स्थान दिलं जाणार नाही. बीसीसीआयच्या एका अधिकाऱ्याने इन्साईडस्पोर्ट्सला सांगितलं की, ' आम्हाला जितकं माहीत आहे, तो आयपीएल स्पर्धा खेळणार आहे. मात्र तो संघासोबत केव्हा जोडला जाणार हे स्पष्ट होऊ शकलेलं नाही.'
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.