वर्ष २०२४ येत्या काही दिवसांत समाप्त होणार आहे. यावर्षी गुगलवर सर्वाधिक सर्च केल्या गेलेल्या यादीत खेळाडूंचा समावेश आहे. या यादीत कुठल्याही नेत्याच्या, बॉलिवूड स्टारचा किंवा उद्योगपतीचा समावेश नाही.

टॉप १० च्या यादीत ५ खेळाडूंचा समावेश आहे. सर्वात आश्चर्यचकित करणारी बाब म्हणजे, या यादीत विराट कोहली, एमएस धोनी आणि रोहित शर्मासारख्या बड्या खेळाडूंना स्थान मिळालेलं नाही.

कोण ठरलं सर्वाधिक सर्वाधिक सर्च केलं गेलेलं भारतीय?

भारताची महिला कुस्तीपटू विनेश फोगट ही गुगलवर सर्वाधिक सर्च केली गेलेली भारतीय खेळाडू ठरली आहे. २०२४ मध्ये विनेश फोगटची जोरदार चर्चा झाली होती. तिने २०२४ मध्ये झालेल्या पॅरिस ऑलिम्पिक स्पर्धेतील रेसलिंग क्रीडा प्रकारातील फायनलमध्ये प्रवेश केला होता.

मात्र फायनल सुरु होण्याच्या काही तासांपूर्वीच तिला अपात्र घोषित करण्यात आलं होतं. तिचं वजन काली ग्रॅम जास्त असल्याने तिला अपात्र ठरवण्यात आलं होतं. त्यामुळे तिच्या हातून हक्काचं पदक निसटलं होतं. त्यावेळी तिला भारतीयांकडून भरपूर सपोर्ट मिळाला होता.

विनेशने राजकारणात प्रवेश करण्याचा निर्णय घेतला. ती हरियाणातील जुलाना विधानसभा क्षेत्रातून निवडणुकीसाठी उभी राहिली आणि जिंकूनही आली. कुस्तीतून निवृत्त होऊनही ती सर्वाधिक सर्च केली गेलेली खेळाडू ठरली.

हार्दिक पंड्या दुसऱ्या स्थानी

खेळाडूंच्या यादीत भारताचा स्टार अष्टपैलू खेळाडू हार्दिक पंड्या दुसऱ्या स्थानी आहे. हार्दिक पंड्याने याच वर्षी मुंबई इंडियन्स संघात कमबॅक केलं. त्याच्या नेतृत्वाखाली खेळताना मुंबईला हवी तशी कामगिरी करता आली नव्हती. त्यानंतर त्याने टी-२० वर्ल्डकप स्पर्धेत दमदार कामगिरी केली. यासह शशांक सिंग आणि अभिषेक शर्मा हे दोघे देखील सर्वाधिक सर्च केले गेलेले खेळाडू ठरले.

गुगलवर सर्वाधिक सर्च केलं गेलेल्यांची संपूर्ण यादी

1. विनेश फोगाट

2. नीतीश कुमार

3. चिराग पासवान

4. हार्दिक पांड्या

5. पवन कल्याण

6. शशांक सिंह

7. पूनम पांडे

8. राधिका मर्चेंट

9. अभिषेक शर्मा

10. लक्ष्य सेन