भारताचा स्टार खेळाडू हार्दिक पंड्या आणि नताशा स्टॅनकोविक या दोघांचा घटस्फोट होणार असल्याच्या चर्चा सुरु होत्या. मात्र दोघांनी कुठलीच माहिती दिली नव्हती. अखेर गुरुवारी हार्दिक पंड्याने या चर्चांना पूर्णविराम दिला. त्याने आपल्या अधिकृत इंस्टाग्रामवर एक पोस्ट शेअर केली होती.ज्यात त्याने नताशाला घटस्फोट दिला असल्याची माहिती दिली. ४ वर्ष एकत्र राहिल्यानंतर दोघांनीही वेगळं होण्याचा निर्णय घेतला. दरम्यान घटस्फोट झाल्यानंतर नताशाने शेअर केलेली इंस्टाग्राम स्टोरी सध्या चर्चेचा विषय ठरतेय.

नताशाने हार्दिकची साथ सोडली असून, ती आपला मुलगा अगस्त्यला घेऊन आपल्या आईच्या घरी परतली आहे. गुरुवारी अगस्त्यचा वाढदिवस होता. त्याला शुभेच्छा देणारी स्टोरी तिने आपल्या अधिकृत इंस्टाग्राम अकाऊंटवर शेअर केली होती. दोघेही सर्बियामध्ये आहेत.

नताशाची स्टोरी व्हायरल

घटस्फोट झाल्यानंतर नताशाने पहिल्यांदाच स्टोरी शेअर केली आहे. या स्टोरीमध्ये तिचा मुलगा अगस्त्य गार्डनमध्ये चेंडूसोबत खेळताना दिसून येत आहे. तुम्ही पाहू शकता की, खेळता खेळता चेंडू झाडांमध्ये जातो, त्यानंतर तो चेंडू शोधताना दिसून येत आहे. त्यावेळी व्हिडिओ शेअर करत असताना नताशा अगस्त्यला विचारते, तुला काही लागलं का? त्यावेळी अगस्त्य तिला उत्तर देत नाही असा म्हणतो.

हार्दिकने पोस्ट शेअर करत दिली माहिती

हार्दिकने आपल्या इंस्टाग्राम अकाऊंटवर पोस्ट शेअर करत, घटस्फोट झाल्याची माहिती दिली. त्याने आपल्या पोस्टमध्ये लिहिले की, ' ४ वर्ष एकत्र राहिल्यानंतर आम्ही दोघांच्या सहमतीने वेगळं होण्याचा निर्णय घेतला आहे. आम्ही हे नातं टिकविण्याचा भरपूर प्रयत्न केला. हा निर्णय घेण्यासाठी आमच्यासाठी सोपं नव्हतं. अगस्त्य आमच्या आयुष्यातील महत्वाचा भाग असेल. आम्ही दोघं मिळून त्याचा सांभाळ करु. आम्ही आशा करतो की, आम्हाला तुमचा पाठींबा मिळेल.'