Rupay Prime Volleyball League:

तिसऱ्या रूपे प्राईम व्हॉलिबॉल लीग स्पर्धेत सुपर फाईव्ह फेरीत पाच सेटच्या चुरशीच्या लढतीत मुंबई मेटीयॉर्स संघाने अहमदाबाद डिफेंडर्स संघावर 15-8, 13-15, 7-15, 16-14, 15-13 असा विजय मिळवत महत्वपूर्ण निकालाची नोंद केली.

ए 23प्रायोजित ही स्पर्धा जवाहरलाल नेहरू इंडोर स्टेडियम येथे पार पडला. या सामन्यात अमित गुलिया सामन्याचा मानकरी ठरला.

त्याआधी अहमदाबादचा अव्वल बचावपटू शिखर सिंगला निष्प्रभ करण्यासाठी मुंबई च्या अमित आणि शुभम यांनी सलग आक्रमण सुरू केले. टाळता येण्यासारख्या चुका केल्यामुळे आणि प्रमुख खेळाडू मुथु ऐवजी बदली खेळाडू घेण्याचा निर्णय चुकल्यामुळे पिछाडीवर पडलेल्या अहमदाबादवर वर्चस्व गाजवत मुंबई संघाने पहिला सेट जिंकला.

मुथु स्वामी आणि आंगा मुथू मैदानावर परतल्याने मजबूत झालेल्या अहमदाबादच्या बचाव फळीने मुंबईचे आक्रमण निष्प्रभ ठरवले. शॉन टी जॉन याच्या अष्टपैलू कामगिरीमुळे अहमदाबादने सलग दोन सेट जिंकत सामन्यात 2-1 अशी आघाडी घेतली. (Sports news in marathi)

शिखर आणि इलिया यांनी आटोकाट प्रयत्न करूनही अमित च्या जोरदार आक्रमणामुळे मुंबई संघाने चौथा सेट जिंकून बरोबरी साधली. सुर गवसलेल्या अमितने पाचव्या सेट मध्ये अहमदाबादच्या उंचा पुऱ्या बचावपटूना चकवून मुंबईला वर्चस्व मिळवून दिले. अखेरच्या टप्प्यात आंगा मुथू चे आक्रमण आणि मॅक्स सेनिका याच्या सुपर सर्व्ह मुळे अहमदाबाद संघाने विजयाकडे वाटचाल केली होती. परंतु आदित्यच्या अफलातून बचावामुळे मुंबई संघाने अखेरच्या क्षणी बाजी मारली.