ऑलिम्पिक 2020 (Tokyo Olympics 2020) मधील सर्वात युवा खेळाडू जपानची मोमिजी निशियाने (Momiji Nishiya) अवघ्या 13 व्या वर्षी सुवर्ण पदक (Gold Medal) जिंकले आहे. दरम्यान, सोमवारचा दिवसही भारतीय खेळाडूंसाठी फारसा चांगला दिवस नव्हता. टोकियो ऑलिम्पिकमध्ये आतापर्यंत भारतीय खेळाडूंना फारसे यश मिळाले नाही. जपानची 13 वर्षांची सुवर्ण पदक विजेती मोमिजी निशिया टोकियो 2020 मधील सर्वात तरुण सुवर्णपदक विजेती ठरली आहे. तिने महिला वैयक्तिक स्केटबोर्डिंगमध्ये सुवर्णपदक जिंकले आहे.

ऑलम्पिक 2020 मध्ये स्केटबोर्डिंगमध्ये प्रथम ऑलिम्पिक सुवर्ण जिंकणारी मोमिजी प्रथम अ‍ॅथलीट ठरली आहे. या ऑलिम्पिकमध्ये प्रथमच स्केटबोर्डिंगचा समावेश करण्यात आला होता. ब्राझीलच्या रईसा लियनने (13 वर्ष, 203 दिवस) रौप्यपदक पटकावले आहे. वयाच्या 13 व्या वर्षी एवढी मोठी उपलब्धी मिळवणे म्हणजे कौतूकास्पद आहे. मोमिजी निशयाचे संपुर्ण जगातून कौतूक होत आहे.

ऑलिम्पिकमध्ये भारत

कमलला वगळता सर्वत्र निराशा आहे. तिरंदाजीत भारतीय पुरुष संघाचा उपांत्यपूर्व फेरीत कोरियाच्या तिरंदाजांनी पराभव केला. तलवारबाजीत प्रथम सामना शानदारपणे जिंकल्यानंतर भवानी देवीलाही तिच्या दुसर्‍या सामन्यात पराभव पत्करावा लागला. बॅडमिंटनमध्येही सात्विक साईराज रॅन्की रेड्डी आणि चिराग शेट्टी इंडोनेशियाच्या फर्नाल्डी गिदोन आणि सुकामुल्जो या जोडीतकडून पराभूत झाले.

पुरुष एकेरीच्या टेनिसमध्ये भारताच्या सुमित नागलचा दुसर्‍या फेरीच्या सामन्यात रशियाच्या डॅनिल मेदवेदेव याच्याकडून 2-6, 1-6 असा पराभव झाला. टेबल टेनिसमधून एक चांगली बातमी आली आहे. अचांत शरथ कमलने पुरुष एकेरीच्या तिसर्‍या फेरीत प्रवेश केला आहे.

Edited By: Pravin Dhamale