IPL 2025 मधील ४५ वा सामना मुंबई इंडियन्स विरुद्ध लखनऊ सुपर जायंट्स यांच्यात रंगला आहे. सामन्यामध्ये लखनऊचा कर्णधार रिषभ पंतने टॉस जिंकत प्रथम गोलंदाजी केली. मुंबई इंडियन्सच्या खेळाडूंनी २० ओव्हर्समध्ये २१५ धावा केल्या. सलामीसाठी आलेल्या रायन रिकेल्टनने अर्धशतकीय खेळी केली. पण रोहित शर्मा फक्त १२ धावा करुन माघारी परतला.

रोहित शर्मा आयपीएल २०२५ च्या सुरुवातीला खराब फॉर्ममध्ये होता. पण चेन्नईच्या सामन्यानंतर त्याला सूर गवसला. चेन्नई विरुद्धच्या सामन्यात रोहित शर्माने नाबाद ७६ धावा केल्या होत्या. हैदराबाद विरुद्ध मुंबई सामन्यातही त्याने ७० धावा केल्या. पण आजच्या (२७ एप्रिल) सामन्यात रोहित दोन षटकार मारत आउट झाला. रोहित शर्मा कॅचआउट झाल्यानंतर सोशल मीडियावर अनेक मीम्स व्हायरल झाले. एका मीम पोस्टमध्ये मुंबईच्या उन्हामध्ये बॅटिंग करायची नाही, इम्पॅक्ट प्लेयर नियमामुळे फिल्डिंग करायची नाही. फक्त सिक्स मारायचे असे म्हटले होते.

मुंबई इंडियन्सकडून रायन रिकेल्टन आणि सूर्यकुमार यादव यांनी अर्धशतके झळकावत चमकदार खेळी केली. त्यांना साथ देताना विल जॅक्सने २९ धावा, नमन धीरने नाबाद २५ धावा आणि कॉर्बिन बॉशने २० धावा जोडल्या. लखनऊ सुपर जायंट्सच्या गोलंदाजांमध्ये मयंक यादव आणि आवेश खान यांनी प्रत्येकी दोन-दोन विकेट्स घेतल्या.

२१६ धावांचे लक्ष लखनऊ सुपर जायंट्सला गाठता आले नाही. लखनऊच्या शिलेदारांनी फक्त १६१ धावा केल्या. आयुष बडोनीने सर्वाधिक ३५ धावा केल्या. मिचेल मार्श ३४ धावांवर, मायक्रन ९ धावांवर तर निकोलस पूरन २७ धावांवर बाद झाला. विल जॅक्सच्या ओव्हरमध्ये पूरननंतर रिषभ पंत बाद झाला. डेव्हिस मिलर आणि आयुष बडोनीने लक्ष गाठण्याचा प्रयत्न केला. पण त्यांना यश आले नाही.