भारतीय हॉकी संघानं पाकिस्तानला लोळवून पुरुष हॉकी फाइव्ह्ज आशिया चषकावर नाव कोरलं. अंतिम सामना रोमहर्षक झाला. पॅनल्टी शूटआउटमध्ये गोल डागत पाकिस्तानला पराभूत करून भारतीय संघानं विजय मिळवला.
ओमानच्या सलालाहमध्ये भारतीय संघानं अंतिम सामन्यात पाकिस्तानला पराभूत करत पुरुष हॉकी फाइव्ह्ज आशिया कप २०२३ जिंकला. पारंपरिक प्रतिस्पर्धी असलेल्या पाकिस्तानला पॅनल्टी शूटआऊटमध्ये २-० ने नमवले. (Latest sports updates)
हाफ डावापर्यंत पाकिस्तान ३-२ ने आघाडीवर होता. त्यानंतर भारतीय संघानं दमदार पुनरागमन केलं. डावाच्या अखेरीपर्यंत पाकिस्तानशी बरोबरी साधली. दोन्ही संघांचे गुण ४-४ असे होते. शूटआऊटमध्ये भारताकडून मनिंदर सिंह आणि गुरज्योत सिंहने गोल डागले.
गोलकीपर सूरज करकेरा याने पाकिस्तानच्या अरशद लियाकत आणि मुहम्मद मुर्तजा याचे गोल रोखले. पाकिस्तानविरुद्ध विजय मिळवून भारताने एफआयएच पुरुष हॉकी फाइव्ह्ज वर्ल्डकप २०२४ मध्ये दिमाखात प्रवेश केला.
भारताकडून मोहम्मद राहील (१९ आणि २६ व्या मिनिटाला), जुगराज सिंह (सातव्या), मनिंदर सिंह याने दहाव्या मिनिटाला गोल केले. तर गुरज्योत सिंह आणि मनिंदर सिंहने शूटआऊटमध्ये गोल डागले.
पाकिस्तानकडून निर्धारित वेळेत अब्दुल रेहमान, अब्दुल राणा, जिकरिया हयात आणि अरशद लियाकत याने गोल केले. तत्पूर्वी भारताने शनिवारी झालेल्या सेमिफायनलमध्ये मलेशियाला १०-४ अशा गुणफरकाने पराभूत करून अंतिम फेरीत धडक दिली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.