Pune: एकीकडे पोरानं महाराष्ट्र केसरीच्या मैदान मारत अंतिम फेरीत धडक मारली आहे तर दुसरीकडे लेक महाराष्ट्र केसरी व्हावा यासाठी आई वडीलांनी हनुमान मंदिरात अभिषेक केलायं. ही बातमी आहे, पुण्यातील महाराष्ट्र केसरीच्या मैदानाची.

पुण्याच्या राजगुरुनगर येथे शिवराज राक्षेने महाराष्ट्र केसरी कुस्ती स्पर्धेच्या अंतिम गटात धडक मारली आहे यावेळी शिवराज महाराष्ट्र केसरी व्हावा यासाठी आई वडीलांनी हनुमान मंदिरात अभिषेक केला आहे. (Pune News)

 महाराष्ट्र राज्य कुस्तीगीर परिषद अस्थायी समितीच्या मान्यतेने संस्कृती प्रतिष्ठान आयोजित ६५ वी मानाची कुस्ती स्पर्धा पुण्यात सुरू आहे. पुण्यातील कुस्तीमहर्षी स्वर्गीय मामासाहेब मोहोळ क्रीडानगरी इथं महाराष्ट्र केसरीच्या मानाच्या गदेसाठी आज अंतिम फेरी सायंकाळी होणार आहे.

महाराष्ट्र केसरी स्पर्धेची आज अंतिम लढत रंगणार आहे महाराष्ट्र केसरी याकडे अवघ्या महाराष्ट्राचं लक्ष लागले आहे.याताच पुण्यातील राजगुरूनगर येथील शिवराज राक्षे अंतिम फेरीत दाखल झाला असताना त्याने महाराष्ट्र केसरी व्हावं यासाठी त्याच्या मूळ गावी राक्षेवाडी येथील हनुमान मंदीरात देवाकडे साकडं घालत त्याचे आई वडील अभिषेक करत आहेत.

दरम्यान, अंतिम फेरीत शिवराज राक्षे विरुद्ध महेंद्र गायकवाड लढत होणार आहे. महाराष्ट्र केसरी स्पर्धेच्या विजेत्याला महिंद्रा थार जीप आणि पाच लाखांचे रोख बक्षीस मिळणार आहे. उपविजेत्याला ट्रॅक्टर आणि रोख अडीच लाखांचे बक्षीस मिळणार आहे. (Maharashtra Kesari)