Shiv Chhatrapati Award News : क्रीडा क्षेत्रात उल्लेखनिय कामगिरी बजावलेल्या साताऱ्याच्या स्नेहल विष्णू मांढरे (Snehal Mandhare) हिला राज्य शासनाने शिवछत्रपती राज्य क्रीडा पुरस्कार जाहीर केला आहे. आर्चरी खेळात उत्तुंग कामगिरी करणा-या स्नेहलला सन 2019-20 या कालावधीतील पुरस्कार आज (शनिवार) जाहीर झाला आहे. (Maharashtra News)

राज्यातील क्रीडा महर्षी, मार्गदर्शक, खेळाडू यांच्या कार्याचा गाैरव करण्यासाठी शिवछत्रपती राज्य क्रीडा पुरस्कार देण्यात येताे. राज्य शासनाने आज (शनिवार) सन 2019-20 आणि सन 2020-21 तसेच 2021-22 या तीन वर्षाचे पुरस्कारर्थींचे (Shiv Chhatrapati Award Declared Today) नावे जाहीर केली आहेत.

यामध्ये साता-याच्या आर्चरी (archery) खेळातील स्नेहल मांढरे हिचा समावेश आहे. स्नेहलने वाई येथे चंद्रकांत भिसे यांच्या मार्गदर्शनाखाली आर्चरीचे प्रशिक्षण घेतले. अत्यंत प्रतिकूल परिस्थितीत तिने आर्चरी खेळातील एकेक यश पादाक्रांत केले. आचारपणामुळे ती काही काळ खेळापासून दूरावली गेली हाेती. परंतु तिने जिद्दीने आजारावर मात करीत खेळातील नैपुण्य सिद्ध केले.

स्नेहल मांढरेने विश्‍वकरंडक तिरंदाजी स्पर्धेत कम्पाऊंडच्या वरिष्ठ संघासाठी कामगिरी बजावली आहे. तिला शिवछत्रपती पुरस्कार जाहीर झाल्याने तिच्या यशाचे वाई तालुक्यासह सातारा जिल्ह्यातील क्रीडा क्षेत्रातून अभिनंदन केले जात आहे.

Edited By : Siddharth Latkar