आयसीसी टी-२० वर्ल्डकप २०२४ स्पर्धेला येत्या १ जूनपासून प्रारंभ होणार आहे. ही स्पर्धा वेस्टइंडीज आणि अमेरिकेत रंगणार आहे. या स्पर्धेसाठी लवकरच भारतीय संघाची घोषणा केली जाणार आहे. या संघात कोणाला स्थान मिळणार? यावरुन अनेक तर्क वितर्क लावले जात आहेत. दरम्यान या सामन्यासाठी केएळ राहुलला संघात तर स्थान मिळेल. मात्र त्याला प्लेइंग ११ मध्ये स्थान मिळणं कठीण आहे.

केएल राहुलला यष्टीरक्षक आणि फलंदाज म्हणूनही प्लेइंग ११ मध्ये स्थान मिळवणं कठीण दिसून येत आहे. या स्पर्धेत यशस्वी जयस्वाल आणि रोहित शर्मा ही जोडी डावाची सुरुवात करताना दिसून येऊ शकते. तर सूर्यकुमार यादव आणि विराट कोहलीसारखे फलंदाज मध्यक्रमात फलंदाजी करताना दिसून येऊ शकतात. तर यष्टीरक्षक फलंदाज म्हणून रिषभ पंतला संघात स्थान मिळण्याची दाट शक्यता वर्तवली जात आहे. यासह फिनिशर म्हणून रिंकू सिंग किंवा शिवम दुबेपैकी एकाला प्लेइंग ११ मध्ये स्थान दिले जाऊ शकते. त्यामुळे केएल राहुलला प्लेइंग ११ मध्ये स्थान मिळणं जरा कठीण आहे.

आयपीएल २०२४ स्पर्धेतील कामगिरी....

केएल राहुल आयपीएल २०२४ स्पर्धेत लखनऊ सुपर जायंट्स संघाचं नेतृत्व करतोय. या संघाकडून खेळताना त्याने ६ सामन्यांमध्ये ३४ च्या सरासरीने २०४ धावा केल्या आहेत. यादरम्यान त्याने १ अर्धशतक झळकावलं आहे. जर त्याला फलंदाज म्हणून या संघात स्थान मिळवायचं असेल तर त्याला आणखी जास्त जोर लावावा लागणार आहे. त्याला बॅकअप खेळाडू म्हणून संघात स्थान दिले जाऊ शकते. यापूर्वी त्याने टी-२० वर्ल्ड २०२१,टी-२० वर्ल्डकप २०२२ मध्ये भारतीय संघाचं प्रतिनिधित्व केलं आहे. मात्र या स्पर्धांमध्ये त्याला हवी तशी कामगिरी करता आलेली नाही.